Лінкі ўнівэрсальнага доступу

Дзьмітрыеў сфармаваў камісію для назіраньня за вучэньнямі «Захад-2017» з Алесіным і Паротнікавым


Андрэй Дзьмітрыеў

Адзін зь лідэраў «Гавары праўду» Андрэй Дзьмітрыеў 26 ліпеня прапанаваў Міністэрству абароны Беларусі стварыць камісію грамадзкую камісію для назіраньня за беларуска-расейскімі вучэньнямі «Захад-2017». З афіцыйнага акаўнту міністэрства адказалі: «Арганізоўвайце і зьвяртайцеся ў прэс-службу МА РБ».

21 жніўня Дзьмітрыеў падаў у Міністэрства абароны сьпіс такой камісіі зь сямі чалавек. У іх ліку вайсковы экспэрт Аляксандар Алесін, адзін з заснавальнікаў «Гавары праўду»; афіцэр і былы карэспандэнт газэты Мінабароны «Во славу Родины» Сяргей Вазьняк; кіраўнік аналітычнага праекту Belarus Security Blog Андрэй Паротнікаў; аўтар шэрагу кніг пра памежную службу Леанід Спаткай ды іншыя.

Па тэлефоне дзяжурны ўпраўленьня ідэалёгіі Мінабароны спрабаваў адгаварыць Дзьмітрыева ад гэтай ініцыятывы: маўляў, і так будзе дастаткова назіральнікаў і СМІ, грамадзкае назіраньне не прадугледжанае ніякім законам.

«Па-першае, калі ўжо так шмат назіральнікаў, няма ніякіх праблемаў далучыць да іх гэтую камісію, — кажа Дзьмітрыеў Свабодзе. — Другі аргумэнт, што на сёньняшні дзень такое супрацоўніцтва было б на карысьць і Міністэрству абароны, і грамадзтву.

Няма чаго ўтойваць! Я разьлічваю на тое, што кіраўніцтва міністэрства здолее паглядзець на гэта ня з пункту гледжаньня сваіх нейкіх звычак, а з пункту гледжаньня карысьці для грамадзтва.

Вучэньні «Захад 2017» могуць стаць ня толькі ваеннымі вучэньнямі, але і вучэньнямі па ўзаемадзеяньні грамадзянскай супольнасьці і Міністэрства абароны».

Пальчыс абвясьціў грамадзкую кампанію назіраньня за вучэньнямі «Захад», бо «наўрад ці назіральнікі ўсё пабачаць»

Тым часам аўтар блогу 1863x Эдуард Пальчыс абвясьціў грамадзкую кампанію назіраньня за расейска-беларускімі вучэньнямі «Захад-2017» — прапанаваў усім сьведкам вучэньняў публікаваць фота, відэа і аповеды пад хэштэгамі #Захад2017, #Запад2017 ці #Zapad2017, а калі трэба захаваць ананімнасьць, прысылаць зьвесткі яму на пошту 1863xxxxx@gmail.com, у Telegram ці ў сацсеткі.

Дзьмітрыеў кажа, што лічыць такую ініцыятыву добрай, а калі прапанаваную ім камісію дапусьцяць да назіраньня, то камісія таксама будзе публікаваць свае зьвесткі пад такімі хэштэгамі.

Ваша меркаваньне

Паказаць камэнтары

XS
SM
MD
LG