Адна зь нядаўніх сцэнак.
Пад Менскам людзі размаўляюць пра выбары.
Нехта даказвае пажылой ужо жанчыне, што, маўляў, проста неабходна, прыйшла ўжо пара, каб краінай кіравалі новыя людзі. Вось і выбары хутка.
— Не, ня трэба тут вашай агітацыі, — жэст жанчыны быў ня менш пераканаўчы, чым яе словы.
— Дык гэта ж не агітацыя. Я проста кажу, што выбары хутка, — не зьбіраецца здавацца суразмоўца.
— У навасьцях кажуць, што будуць выбары прэзідзента, — кажа бабця.
— Ну правільна...
— Ну вот. Прэзідзента, разумееце? Мы будзем выбіраць прэзідзента.
На неўразумелае маўчаньне «агітатара» чуецца спалохана-зьдзіўлены адказ:
— Вы што, ня знаеце, хто ў нас прэзідзент?
Аляксей Шэін
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org
