Магілеўская абласная пракуратура ўзбудзіла крымінальную справу супраць групы бабруйскіх чыноўнікаў, якія 5 жніўня абстралялі з паляўнічых стрэльбаў дзіцячы летнік "Вольная Краіна". У выніку тае страляніны была параненая 16-гадовая ўдзельніца летніку Юля Бабкова. Пра гэтае рашэньне абласное пракуратуры паведаміў сёньня намесьнік пракурора Бабруйскага раёну Мікалай Гайшун у часе сустрэчы з кіраўніком мясцовае філіі Беларускага Гэльсынскага Камітэту Яўгенам Чапурышкіным і бабруйскім карэспандэнтам газэты «Комсомольская правда» Анатолем Санаценкам. Сьледзтва ў гэтай справе даручана весьці сьледчаму камітэту Бабруйскага гарадзкога аддзелу міліцыі. Раённая міліцыя на працягу двух тыдняў адмаўлялася заводзіць супраць чыноўнікаў крымінальную справу і нават аказвала псыхалягічны ціск на пацярпелых падлеткаў. Прадстаўнік БГК Яўген Чапурышкін лічыць, што пракуратура была вымушаная завесьці крымінальную справу, бо факт абстрэлу падлеткаў меў даволі гучны грамадзкі рэзананс.
Магілеўская абласная пракуратура ўзбудзіла крымінальную справу супраць групы бабруйскіх чыноўнікаў, якія 5 жніўня абстралялі з паляўнічых стрэльбаў дзіцячы летнік "Вольная Краіна". У выніку тае страляніны была параненая 16-гадовая ўдзельніца летніку Юля Бабкова. Пра гэтае рашэньне абласное пракуратуры паведаміў сёньня намесьнік пракурора Бабруйскага раёну Мікалай Гайшун у часе сустрэчы з кіраўніком мясцовае філіі Беларускага Гэльсынскага Камітэту Яўгенам Чапурышкіным і бабруйскім карэспандэнтам газэты «Комсомольская правда» Анатолем Санаценкам. Сьледзтва ў гэтай справе даручана весьці сьледчаму камітэту Бабруйскага гарадзкога аддзелу міліцыі. Раённая міліцыя на працягу двух тыдняў адмаўлялася заводзіць супраць чыноўнікаў крымінальную справу і нават аказвала псыхалягічны ціск на пацярпелых падлеткаў. Прадстаўнік БГК Яўген Чапурышкін лічыць, што пракуратура была вымушаная завесьці крымінальную справу, бо факт абстрэлу падлеткаў меў даволі гучны грамадзкі рэзананс.
Самае папулярнае
1