Сёньня пасьля некалькіх дзён перапынку аднавілася судовае паседжаньне, на якім разглядаецца справа былога старшыні акцыянэрнага таварыства "Расьсвет" Васіля Старавойтава. За тры з паловай месяцы працэсу разгледзеныя восем зь дзесяці эпізодаў, што складаюць абвінавачваньні Старавойтаву. Суд набліжаецца да апошняга эпізоду, зьвязанага з быццам бы меўшым месца хабарам міністру сельскай гаспадаркі Васілю Лявонаву ў выглядзе мэблевага гарнітуру. Пракуратура сьцьвярджае, што Васіль Старавойтаў, перадаўшы ў карыстаньне Лявонаву гэты гарнітур, даваў менавіта хабар. Старавойтаў дагэтуль не пагаджаўся з такім вызначэньнем. На сьледстве ён сьцьвярджаў, што, даючы загад адпусьціць гарнітур са складу "расьсветаўскага" мэблевага цэху, спадзяваўся, што міністр за мэблю разьлічыцца. Якія паказаньні дасьць Старавойтаў па дадзеным эпізодзе зараз - магчыма, будзе вядома ўжо на гэтым тыдні. Але прозьвішча былога міністра Лявонава ўжо і зараз гучыць у судовай залі. У прыватнасьці, сёньня пад час апытаньня сьведкаў прагучала, што Лявонаў неаднаразова атрымоўваў у гаспадарцы мяса, за якое не разьлічваўся. Васіль Старавойтаў, даючы па гэтых фактах тлумачэньні, ня выключыў, што такое магло быць. Старавойтаў пагадзіўся з тым меркаваньнем рэвізораў, што справаздачнасьць у гаспадарцы ў апошнія гады стала весьціся зь некаторымі парушэньнямі. "Віну за гэтыя парушэньні я зь сябе не складаю" заявіў Старавойтаў у судзе. Між тым, на думку адвакатаў, шмат недахопаў і супадзеньняў ня толькі ў справаздачнасьці "Расьсвету", але і ў рэвізыйным акце, які аказаўся ў падмурку абвінавачваньня. Адвакат Вера Страмкоўская ўзгадвае паказаньні на судзе кіраўніка групы рэвізораў Уладзімера Падрабінкіна, зь якіх вынікае, што агульны акт быў складзены чыста арыфметычна, з актаў рэвізіяў розных падразьдзяленьняў "Расьсвета", бяз праверкі іх дакладнасьці. У выніку на паперы з гаспадаркай адбыліся дзіўныя пераўтварэньні. Згодна з актам рэвізіі, у "Расьсвета" паменьшала на пяць трактараў, і нават ня быў улічаны самалёт, які шмат гадоў выкарыстоўваўся на апрацоўцы "расьсветаўскіх" палеткаў. Між тым гэты самалёт даўно стаіць на балансе гаспадаркі. Адвакат зьдзіўляецца такой, так бы мовіць, уважлівасьці рэвізораў і заяўляе, што ёсьць падстава сумнявацца ў сусе стратаў, быццам бы нанесенай гаспадарцы дзейнасьцю Старавойтава і ягоных падначаленых. Рэвізоры гэтыя страты вызначылі ў 206 тысячаў даляраў. Паводле адваката, пасьля рэвізіі 'жо зьніклі некалькі папак з дакумэнтамі. Гэта, па словах Страмкоўскай, рэвізор Падрабінкін прызнаў у судзе. "Дык як можна верыць гэтым лічбам?" - задаецца пытаньнем адваката. Страмкоўская называе яшчэ адну важную праблему, дагэтуль ня вырашаную ў судзе. Справа ў тым, што калгас "Расьсвет" не выставіў грамадзкі зыск Васілю Старавойтаву і ягоным намесьнікам Юстратаву і Шапавалаву. Названая толькі агульная сума гэтага зыску - чатыры мільярды рублёў. Аднак няма падрабязнага абгрунтаваньня гэтай сумы. Між тым, бяз абгрунтаваньня суд ня здолее вызначыць сапраўдную суму прэтэнзіяў. А ў такім выпадку будзе немагчымая амністыя васілю Старавойтаву, на якую ён спадзяецца. Як бачым, у тым, што суд прызнае Старавойтава вінаватым па некаторых пунктах абвінавачваньня, адвакат ужо не сумняецца. Адвакат Вера Страмкоўскае паведамляе, што Старавойтаў па-ранейшаму хворы, ён кашляе, але трымаецца. Цікава, што некаторыя з судовых народных засядальнікаў, не хаваючыся, сьпяць пад час працэсу. Хутка дойдзе да моманту, калі Старавойтаву давядзецца даваць паказаньні ў дачыненьні да Лявонава а ўсё вядзецца на тое, каб ён даў паказаньні менавіта супраць Лявонава. У такі момант, на думку адваката, у Старавойтава могуць не стрываць нэрвы, і ён можа і крычаць у клетцы, як гэта ўжо было, і нешта можа здарыцца з сэрцам. Адвакат не выключае ўсё, што заўгодна. Прывозу Лявонава на суд чакаюць у любы момант. Суддзя хавае інфармацыю пра гэта і на ўсе пытаньні адвакатаў нічога не адказвае. Адвакат лічыць, што гэта робіцца наўмысна - каб было менш сьведкаў таго, як са Старавойтава выцягваюцца паказаньні.
Сёньня пасьля некалькіх дзён перапынку аднавілася судовае паседжаньне, на якім разглядаецца справа былога старшыні акцыянэрнага таварыства "Расьсвет" Васіля Старавойтава. За тры з паловай месяцы працэсу разгледзеныя восем зь дзесяці эпізодаў, што складаюць абвінавачваньні Старавойтаву. Суд набліжаецца да апошняга эпізоду, зьвязанага з быццам бы меўшым месца хабарам міністру сельскай гаспадаркі Васілю Лявонаву ў выглядзе мэблевага гарнітуру. Пракуратура сьцьвярджае, што Васіль Старавойтаў, перадаўшы ў карыстаньне Лявонаву гэты гарнітур, даваў менавіта хабар. Старавойтаў дагэтуль не пагаджаўся з такім вызначэньнем. На сьледстве ён сьцьвярджаў, што, даючы загад адпусьціць гарнітур са складу "расьсветаўскага" мэблевага цэху, спадзяваўся, што міністр за мэблю разьлічыцца. Якія паказаньні дасьць Старавойтаў па дадзеным эпізодзе зараз - магчыма, будзе вядома ўжо на гэтым тыдні. Але прозьвішча былога міністра Лявонава ўжо і зараз гучыць у судовай залі. У прыватнасьці, сёньня пад час апытаньня сьведкаў прагучала, што Лявонаў неаднаразова атрымоўваў у гаспадарцы мяса, за якое не разьлічваўся. Васіль Старавойтаў, даючы па гэтых фактах тлумачэньні, ня выключыў, што такое магло быць. Старавойтаў пагадзіўся з тым меркаваньнем рэвізораў, што справаздачнасьць у гаспадарцы ў апошнія гады стала весьціся зь некаторымі парушэньнямі. "Віну за гэтыя парушэньні я зь сябе не складаю" заявіў Старавойтаў у судзе. Між тым, на думку адвакатаў, шмат недахопаў і супадзеньняў ня толькі ў справаздачнасьці "Расьсвету", але і ў рэвізыйным акце, які аказаўся ў падмурку абвінавачваньня. Адвакат Вера Страмкоўская ўзгадвае паказаньні на судзе кіраўніка групы рэвізораў Уладзімера Падрабінкіна, зь якіх вынікае, што агульны акт быў складзены чыста арыфметычна, з актаў рэвізіяў розных падразьдзяленьняў "Расьсвета", бяз праверкі іх дакладнасьці. У выніку на паперы з гаспадаркай адбыліся дзіўныя пераўтварэньні. Згодна з актам рэвізіі, у "Расьсвета" паменьшала на пяць трактараў, і нават ня быў улічаны самалёт, які шмат гадоў выкарыстоўваўся на апрацоўцы "расьсветаўскіх" палеткаў. Між тым гэты самалёт даўно стаіць на балансе гаспадаркі. Адвакат зьдзіўляецца такой, так бы мовіць, уважлівасьці рэвізораў і заяўляе, што ёсьць падстава сумнявацца ў сусе стратаў, быццам бы нанесенай гаспадарцы дзейнасьцю Старавойтава і ягоных падначаленых. Рэвізоры гэтыя страты вызначылі ў 206 тысячаў даляраў. Паводле адваката, пасьля рэвізіі 'жо зьніклі некалькі папак з дакумэнтамі. Гэта, па словах Страмкоўскай, рэвізор Падрабінкін прызнаў у судзе. "Дык як можна верыць гэтым лічбам?" - задаецца пытаньнем адваката. Страмкоўская называе яшчэ адну важную праблему, дагэтуль ня вырашаную ў судзе. Справа ў тым, што калгас "Расьсвет" не выставіў грамадзкі зыск Васілю Старавойтаву і ягоным намесьнікам Юстратаву і Шапавалаву. Названая толькі агульная сума гэтага зыску - чатыры мільярды рублёў. Аднак няма падрабязнага абгрунтаваньня гэтай сумы. Між тым, бяз абгрунтаваньня суд ня здолее вызначыць сапраўдную суму прэтэнзіяў. А ў такім выпадку будзе немагчымая амністыя васілю Старавойтаву, на якую ён спадзяецца. Як бачым, у тым, што суд прызнае Старавойтава вінаватым па некаторых пунктах абвінавачваньня, адвакат ужо не сумняецца. Адвакат Вера Страмкоўскае паведамляе, што Старавойтаў па-ранейшаму хворы, ён кашляе, але трымаецца. Цікава, што некаторыя з судовых народных засядальнікаў, не хаваючыся, сьпяць пад час працэсу. Хутка дойдзе да моманту, калі Старавойтаву давядзецца даваць паказаньні ў дачыненьні да Лявонава а ўсё вядзецца на тое, каб ён даў паказаньні менавіта супраць Лявонава. У такі момант, на думку адваката, у Старавойтава могуць не стрываць нэрвы, і ён можа і крычаць у клетцы, як гэта ўжо было, і нешта можа здарыцца з сэрцам. Адвакат не выключае ўсё, што заўгодна. Прывозу Лявонава на суд чакаюць у любы момант. Суддзя хавае інфармацыю пра гэта і на ўсе пытаньні адвакатаў нічога не адказвае. Адвакат лічыць, што гэта робіцца наўмысна - каб было менш сьведкаў таго, як са Старавойтава выцягваюцца паказаньні.
Самае папулярнае
1