Лінкі ўнівэрсальнага доступу

Аляксандар Лукашэнка ўручыў Мікалаю Лукашэнку хакейны кубак. ФАТАФАКТ


Аляксандар і Мікалай Лукашэнкі на хакейным турніры «Алімпійскія надзеі»
Аляксандар і Мікалай Лукашэнкі на хакейным турніры «Алімпійскія надзеі»

Мікалай Лукашэнка ў складзе хакейнай каманды «Грыфоны» перамог на турніры «Алімпійскія надзеі» 1 красавіка. Ягоны бацька Аляксандар Лукашэнка выступіў перад гульцамі і гледачамі, павіншаваў удзельнікаў турніру з завяршэньнем спаборніцтваў і выказаў падзяку трэнэрам і бацькам хакеістаў, уручыў узнагароды.

Гэта ня першы раз, калі Аляксандар Лукашэнка публічна віншуе Мікалая Лукашэнку зь перамогай на хакейным турніры. Аднойчы яны нават выступалі на лёдзе разам у адной камандзе — і абодва пад нумарам 01, хоць такое забароненае правіламі.

Летась Аляксандар Лукашэнка падтрымаў прапанову міністра ўнутраных справаў Ігара Шуневіча аб вырабе хакейнага рыштунку і клюшак зьняволенымі ў турмах — клюшкі, зробленыя вязьнямі, прэзэнтавалі Лукашэнку ў лістападзе. На мінулым тыдні Лукашэнка даручыў старшыні КДБ Валеру Вакульчыку наладзіць выпуск лыжаролераў, але чыімі сіламі будзе наладжаная вытворчасьць, не ўдакладнялася.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG