Кіраўнік Нацбанку падчас прэсавай канфэрэнцыі 28 красавіка канстатаваў, што на нядаўнім вышэйшым дзяржсавеце, дзе разглядалася пытаньне пераходу на адзіную валюту, ўрады і галоўныя банкі дзьвюх краінаў зноў ня здолелі паразумецца. Беларускі бок лічыць, што пераход на расейскі рубель павінен завершыць інтэграцыю; расейскі бок прытрымліваецца іншай пазыцыі: уводзіць адзіную валюту можна ўжо цяпер, без адмоўных наступстваў для эканомікі.
З тэхнічнага гледзішча ўвесьці з пачатку наступнага году расейскі рубель ужо нерэальна, цьвердзіць Пётар Пракаповіч. Новыя тэрміны валютнай інтэграцыі будуць вядомыя толькі пасьля чарговага паседжаньня вышэйшага дзяржсавету, якое прызначанае на лістапад.
(Пракаповіч: ) “Нам трэба ад прыняцьця рашэньня як мінімум паўгоду. Улічваючы тое, што рашэньне будзе прынятае не раней за лістапад гэтага году, з 1 студзеня 2006 году, на жаль, увядзеньне адзінай валюты ў нас не атрымаецца з аб’ектыўных прычынаў”.
Тым часам Нацбанк падвёў вынікі конкурсу на найлепшы праект графічнага знаку для беларускага рубля. Графічны знак — гэта адмысловы сымбаль пэўнай валюты. Так, напрыклад, перакрэсьленая лацінская літара $ ёсьць графічным знакам амэрыканскага даляра. Беларускі рубель таксама займее свой сымбаль, хоць празь некаторы час гэтай валюты як быццам і ня будзе. Пётар Пракаповіч паведаміў, што канчатковае рашэньне адмысловай камісіі прымаецца акурат цяпер і афіцыйна графічны знак беларускага рубля будзе абвешчаны ў найбліжэйшыя дні.
Эканаміст Валер Дашкевіч лічыць, што графічны знак усё ж мае сэнс уводзіць, нягледзячы на інтэграцыйныя пляны.
(Дашкевіч: ) “Калі мы будзем друкаваць новыя папяровыя грошы, а друкуем мы іх увесь час, бо старыя зношваюцца. Паставім на новыя грошы, якія будуць ісьці на паступовую замену, графічны знак. Ну і нічога страшнага. У сярэдзіне 1990-х выходзілі, напрыклад, грошы з подпісам Багданкевіча. Ну й што? Хадзілі яны ўвесь час, пакуль ня выйшлі з абарачэньня, бо спарахнелі”.
Пры гэтым экспэрт не выключае, што палітычны гандаль паміж Беларусьсю і Расеяй у выніку не прывядзе да рэальнага валютнага саюзу, таму ў будучыні графічны знак спатрэбіцца.
З тэхнічнага гледзішча ўвесьці з пачатку наступнага году расейскі рубель ужо нерэальна, цьвердзіць Пётар Пракаповіч. Новыя тэрміны валютнай інтэграцыі будуць вядомыя толькі пасьля чарговага паседжаньня вышэйшага дзяржсавету, якое прызначанае на лістапад.
(Пракаповіч: ) “Нам трэба ад прыняцьця рашэньня як мінімум паўгоду. Улічваючы тое, што рашэньне будзе прынятае не раней за лістапад гэтага году, з 1 студзеня 2006 году, на жаль, увядзеньне адзінай валюты ў нас не атрымаецца з аб’ектыўных прычынаў”.
Тым часам Нацбанк падвёў вынікі конкурсу на найлепшы праект графічнага знаку для беларускага рубля. Графічны знак — гэта адмысловы сымбаль пэўнай валюты. Так, напрыклад, перакрэсьленая лацінская літара $ ёсьць графічным знакам амэрыканскага даляра. Беларускі рубель таксама займее свой сымбаль, хоць празь некаторы час гэтай валюты як быццам і ня будзе. Пётар Пракаповіч паведаміў, што канчатковае рашэньне адмысловай камісіі прымаецца акурат цяпер і афіцыйна графічны знак беларускага рубля будзе абвешчаны ў найбліжэйшыя дні.
Эканаміст Валер Дашкевіч лічыць, што графічны знак усё ж мае сэнс уводзіць, нягледзячы на інтэграцыйныя пляны.
(Дашкевіч: ) “Калі мы будзем друкаваць новыя папяровыя грошы, а друкуем мы іх увесь час, бо старыя зношваюцца. Паставім на новыя грошы, якія будуць ісьці на паступовую замену, графічны знак. Ну і нічога страшнага. У сярэдзіне 1990-х выходзілі, напрыклад, грошы з подпісам Багданкевіча. Ну й што? Хадзілі яны ўвесь час, пакуль ня выйшлі з абарачэньня, бо спарахнелі”.
Пры гэтым экспэрт не выключае, што палітычны гандаль паміж Беларусьсю і Расеяй у выніку не прывядзе да рэальнага валютнага саюзу, таму ў будучыні графічны знак спатрэбіцца.
