Раней прадстаўнік узброеных сілаў паведаміў, што баі ідуць у цэнтры гораду.
Па словах кіраўніка Паўднёвага камандаваньня арміі генэрал-маёра Ярона Фінкельмана, баі ідуць у гэтым раёне ўпершыню за дзесяцігодзьдзе. Ён назваў раён дзеяньняў «сэрцам тэрору». Міністар абароны Ізраілю Ёаў Галянт назваў горад «найбуйнейшай калі-небудзь пабудаванай тэрарыстычнай базай», перадае яго словы Agence France Presse.
Раней у аўторак Нэтаньягу ў інтэрвію амэрыканскаму каналу ABC News заявіў, што Ізраіль павінен будзе «нявызначаны час» гарантаваць бясьпеку ў сэктары Газа пасьля заканчэньня баявых дзеяньняў.
У аўторак афіцыйны прадстаўнік Дзярждэпартамэнту ЗША паведаміў журналістам, што краіна выступае супраць доўгачасовай акупацыі горада. Паводле яго, супраць гэтага выступае і Ізраіль.
