Лінкі ўнівэрсальнага доступу

Двое з 42 пацярпелых у аварыі з турыстычным аўтобусам на Віцебшчыне застаюцца ў цяжкім стане


Фота МУС зь месца аварыі

Двое пацярпелых ва ўчорашнім ДТЗ з турыстычным аўтобусам у Лёзьненскім раёне расейцаў застаюцца ў цяжкім стане, паведаміў галоўны доктар Віцебскай абласной клінічнай лякарні Яўген Матусевіч.

«На цяперашні момант у шпіталі знаходзяцца 42 пацыенты. Іх стан стабілізаваны. Яны праходзяць усе неабходныя мэдычныя мерапрыемствы. Два пацыенты ў цяжкім стане. Працягваецца інтэнсіўная тэрапія. Частка пацыентаў, якім выкананы ўсе неабходныя мерапрыемствы, рыхтуюцца да выпіскі» — кажа доктар у відэа, якое разьмясьціла прэс-служба Міністэрства аховы здароўя.

Як удакладніў лекар БелТА, да выпіскі цяпер рыхтуюцца каля 30-35 чалавек. Далей яны працягнуць лекаваньне амбуляторна ўжо дома, у Расеі.

3 сьнежня турыстычны аўтобус, у якім ехалі грамадзяне Расеі, на 119-м кілямэтры трасы М8 Віцебск — Магілёў — Гомель сутыкнуўся зь легкавым аўтамабілем «Рэно», паведамляе МУС Беларусі. Аўтобус перакуліўся. 31-гадовы кіроўца легкавога аўтамабіля, жыхар Крычава, загінуў на месцы. 41 пасажыра і кіроўцу аўтобусу даставілі ў шпіталь. Папярэдні агляд паказаў, што 6 пасажыраў знаходзяцца ў цяжкім стане, 18 — у стане сярэдняй цяжкасьці, астатнія атрымалі траўмы лёгкай ступені.

СК завёў крымінальную справу па ч.2 арт.317 Крымінальнага кодэксу Беларусі (парушэньне правілаў дарожнага руху, якое прывяло па неасьцярожнасьці да сьмерці чалавека).

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG