Лінкі ўнівэрсальнага доступу

Дзьмітрыеў і Ціханоўская анансавалі сустрэчы з выбарнікамі ў рэгіёнах. Іншыя кандыдаты абыходзяцца бязь мітынгаў


Агітацыйны мітынг Сьвятланы Ціханоўскай у Менску, 30 ліпеня.

Пасьля масавага мітынгу-канцэрту аб'яднанага штабу 30 ліпеня ў менскім парку Дружбы народаў кандыдатка ў прэзыдэнты Сьвятлана Ціханоўская аднаўляе паездкі па іншых гарадах краіны.

31 ліпеня

Смаргоні: 13:00, сквэр на вуліцы Сініцкага

Маладэчна: 15:30, стадыён на вуліцы Машэрава, 6а

Ліда: 19:00, плошча перад ГЦ «Патсдам», вуліца Лётная.

1 жніўня

Горадня: 12:00, Калоскі парк

Ваўкавыск: 15:30, аўтастаянка на набярэжнай па вуліцы Маркса

Слонім: 19:00, стадыён «Дынама» на вуліцы Чарняхоўскага.

2 жніўня

Баранавічы: 10:00, Малады парк па вуліцы Камсамольскай

Берасьце: 14:00, сцэнічная пляцоўка ў парку Воінаў-інтэрнацыяналістаў.

Зь ліку іншых кандыдатаў у прэзыдэнты агітацыйныя туры на найбліжэйшыя дні заплянавалі толькі ў штабе Андрэя Дзьмітрыева:

31 ліпеня

Жодзіна: 11:30, перад СДЮШАР 1 на вуліцы Лебядзеўскага, 18а

Крупкі: 14:00, шпацыр ад вакзалу вуліцай Савецкай да вуліцы Майскай

Ворша: 17:00, шпацыр вуліцай Леніна ад Мэдычнага каледжу праз курган Неўміручасьці да СШ №17.

1 жніўня

Наваградак: 10:00, гарадзкі рынак на вуліцы Валчэцкага, 21а

Шчучын: 12:00, шпацыр ад Цэнтральнага рынку да Дому культуры

Скідаль: 14:30, пляцоўка сельскагаспадарчага ліцэя на вуліцы Кастрычніцкай, 40

Горадня: 17:00, Дом культуры «Колерліт» на вуліцы Дзяржынскага 41/1.

2 жніўня

Горадня: 09:00, прагулка па Паўднёвым рынку

Масты: 12:30, пляцоўка каля будынка №1 па вуліцы Пралетарскай

Ваўкавыск: 15:00, аўтастаянка на набярэжнай па вуліцы Маркса

Слонім: 17:00, Цэнтар культуры і адпачынку па вуліцы Чырвонаармейскай, 25

Мір: 20:00, шпацыр ад аўтавакзала да Мірскага замка.

Кандыдаты Ганна Канапацкая, Аляксандар Лукашэнка і Сяргей Чэрачань перадвыбарчых мітынгаў не праводзяць.

Прэзыдэнцкія выбары — 2020 у Беларусі. Што важна ведаць

  • Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
  • 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
  • Старшыня ЦВК Лідзія Ярмошына адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
  • ЦВК зарэгістраваў 15 ініцыятыўных груп з 55 заявак.
  • Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
  • 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
  • 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“».
  • 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.
  • 14 ліпеня ЦВК зарэгістраваў кандыдатамі ў прэзыдэнты Аляксандра Лукашэнку, Сьвятлану Ціханоўскую, Ганну Канапацкую, Андрэя Дзьмітрыева і Сяргея Чэрачня. Не зарэгістравалі Віктара Бабарыку і Валера Цапкалу.
  • Ад пачатку выбарчай кампаніі праваабаронцы налічылі больш за 1300 затрыманых: удзельнікі «ланцугоў салідарнасьці», сябры ініцыятыўных груп, актывісты, палітыкі, блогеры, журналісты і проста мінакі на вуліцы. Сотні чалавек пакаралі адміністрацыйнымі арыштамі і аштрафавалі.


Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG