Лінкі ўнівэрсальнага доступу

«Беларусь не памыйніца». Бабарыка выказаў стаўленьне да акумулятарнага заводу


Віктар Бабарыка

Прэтэндэнт на вылучэньне кандыдатам у прэзыдэнты Беларусі Віктар Бабарыка сказаў, што паважае групу, якая выступае за закрыцьцё акумулятарнага завода, які будуецца пад Берасьцем.

«Вы гэта робіце ня першы год і ваша мужнасьць, прынцыповасьць выклікае вялікую павагу. — сказаў Бабарыка. — Беларусь не памыйніца. Беларусь ня сьмецьцевая звалка. У Беларусі няма вялізных тэрыторый, на якіх можна было б рабіць брудныя вытворчасьці. Наша краіна вялікая, але не настолькі вялікая і працяглая, каб можна было знайсьці кавалачак, які можна было б забрудзіць. Таму я прынцыпова супраць любых брудных вытворчасьцей».

Ён сказаў, што пры прыняцьці рашэньня павінны ўлічвацца эканамічныя, экалягічныя і іншыя аспэкты.

«Эканоміка вышэй за ўсё безумоўна. Але перад гэтым заўсёды павінны стаяць людзі і людзі павінны разумець», — сказаў ён. Ён лічыць, што «нікому не патлумачылі навошта беларусам гэты завод».

«Можа там ёсьць нейкая неверагодная патрэба. Таму думку людзей трэба абавязкова ўлічваць перад тым як ёсьць меркаваньне эканомікі».

Віктар Бабарыка сказаў, што каб вырашыць гэту праблему трэба прайсьці праз 9 жніўня.

«Краіна для людзей, а не людзі для краіны. Гэта вельмі важны момант», — сказаў ён.

Прэзыдэнцкія выбары — 2020 у Беларусі. Што важна ведаць

УЖЫВУЮ Выбары-2020. Як праходзіць прэзыдэнцкая кампанія падчас пандэміі

  • Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
  • 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
  • Старшыня ЦВК адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
  • ЦВК зарэгістраваў 15 ініцыятыўных груп з 55 заявак. Кандыдат у прэзыдэнты на выбарах-2010 Мікола Статкевіч зьбіраўся зарэгістраваць 30 «кандыдатаў пратэсту», каб мець магчымасьць зьбіраць людзей на вуліцах, але ня ўдзельнічаць ў саміх выбарах. Яго і амаль усіх ягоных паплечнікаў не дапусьцілі да збору подпісаў — зарэгістравалі толькі групу Ўладзімера Няпомняшчых.
  • Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
  • 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
  • 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“». 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG