Лінкі ўнівэрсальнага доступу

У Крамлі лічаць сувэрэнным правам Беларусі запрашаць Болтана


Джон Болтан

Крэмль лічыць сувэрэнным правам Беларусі запрашаць дарадцу прэзыдэнта ЗША па пытаньнях нацыянальнай бясьпекі Джона Болтана, але казаць аб шчыльным супрацоўніцтве Вашынгтона і Менска не даводзіцца, паведаміў журналістам прэс-сакратар прэзыдэнта Расеі Дзьмітрый Пяскоў.

«Па-першае, гэта сувэрэнная справа Беларусі. Па-другое, казаць аб цесным узаемадзеяньні Беларусі і ЗША, нам здаецца, у сапраўдны момант не даводзіцца, гаворка не ідзе пра поўнафарматныя афіцыйныя кантакты. Уласна, гэта візыт на працоўным узроўні», — цытуюць Пяскова РИА-Новости.

Дарадца прэзыдэнта ЗША ў пытаньнях нацыянальнае бясьпекі Джон Болтан наведае Беларусь і сутрэнецца з Аляксандрам Лукашэнкам. Гэтую інфармацыю агенцтву Reuters пацьвердзілі ў адміністрацыі прэзыдэнта Беларусі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG