Лінкі ўнівэрсальнага доступу

Абаронцы Курапатаў аднесьлі ў адміністрацыю прэзыдэнта зварот аб вяртаньні крыжоў


Лукашэнку просяць вярнуць 70 зьнесеных крыжоў ва ўрочышча і адкрыць архівы часоў сталінскіх рэпрэсіяў.

Некалькі актывістаў, у ліку якіх лідэр «Маладога фронту» Дзяніс Урбановіч і каардынатарка ініцыятывы «За ўратаваньне мэмарыялу Курапаты» Ганна Шапуцька, 10 красавіка занесьлі ў адміністрацыю прэзыдэнта зварот да Аляксандра Лукашэнкі, піша Tut.by.

Як растлумачыла Шапуцька, яны лічаць знос крыжоў у Курапатах «актам вандалізму» і «злачынствам супраць грамадзтва», а ня «добраўпарадкаваньнем», як гэта назвалі ўлады.

Яна дадала, што крыжы былі ўсталяваныя на грошы, сабраныя людзьмі па ўсёй краіне — 11 тысячаў рублёў.

«Мы абураныя падобным стаўленьнем да Курапатаў і беларускага грамадзтва, — перадае БелаПАН урывак са звароту. — Вы адкрыта дазваляеце працу рэстарана „Поедем поедим“ у ахоўнай зоне мэмарыялу, за 50 мэтраў ад месца забойства тысяч і тысяч беларусаў. Рэстарацыі, дзе наведнікі побач з чалавечым магільнікам п’янствуюць, забаўляюцца, смажаць шашлыкі, адзначаюць карпаратыўныя сьвяты і г.д.

Вы дазволілі існаваньне цалкам незаконнай пабудовы, адносна якой Генпракуратурай было вынесенае прадстаўленьне, якое так і не было выкананае. Вам ня кідаецца ў вочы дэманстратыўная рэкляма рэстарацыі побач з чалавечым магільнікам, вам кінуліся ў вочы крыжы, сьветлыя крыжы нашай памяці, нашых пачуцьцяў».

Актывісты перадалі разам са зваротам даведку ад 2002 году, падпісаную навуковай кіраўніцай мэмарыялу «Курапаты» Маяй Кляшторнай, якая ўзгадняла ўсталёўваньне «крыжовага пэрымэтру», а таксама рэкамэндацыі 1993 году па мэмарыялізацыі Курапатаў ад праваслаўнай і каталіцкай цэркваў.

8 красавіка былы лідэр «Маладога фронту» Зьміцер Дашкевіч напісаў заяву ў Генэральную пракуратуру Беларусі — ён таксама ацаніў знос крыжоў як «акт дзяржаўнага вандалізму».

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG