Лінкі ўнівэрсальнага доступу

Дашкевіч і Севярынец на волі. Зь пастарунку вызваляюць абаронцаў Курапатаў

абноўлена

Затрыманьне кіраўніка «Маладога Фронту» Дзяніса Урбановіча ля Курапатаў. На момант публікацыі Урбановіч застаецца затрыманым

4 красавіка вызвалілі палітыка Зьмітра Дашкевіча, актывістаў Піліпа Шаўрова і Валера Рабцава. Гадзінай раней вызвалілі Валянціну Яроменак. Частка затрыманых знаходзіцца ў ізалятары часовага ўтрыманьня.

Пра вызваленьне мужа паведаміла каля 22 гадзіны ў Фэйсбуку Наста Дашкевіч.

Пазьней пра вызваленьне мужа, сустаршыні Беларускай хрысьціянскай дэмакратыі Паўла Севярынца напісала ў Фэйсбуку ягоная жонка Вольга Севярыныц.

Што адбылося?

У Курапатах зранку 4 красавіка зьнесьлі 70 крыжоў. Улады сьцьвярджаюць, што крыжы паставілі незаконна. Прэс-сакратарка кіраўніка Беларусі Натальля Эйсмант патлумачыла гэта распараджэньнем Аляксандра Лукашэнкі.

Падчас прэс-канфэрэнцыі 1 сакавіка Аляксандар Лукашэнка заявіў: «Прывядзём у парадак Курапаты, каб дэманстрацыі з крыжамі па пэрымэтры не было».

Як патлумачылі затрыманьні?

Піліп Шаўроў сказаў Свабодзе, што на іх склалі пратакол паводле артыкула 17-1 — гэта дробнае хуліганства. Нібыта «перашкаджалі працы будаўнікоў з прадпрыемства „Заслаўебудіндустрыя“, размахвалі рукамі і крычалі».

Ім адразу ўручылі позвы ў суд на 18 і 19 красавіка. Паводле Шаўрова, зь імі размаўляў начальнік РАУС.

«Нам сказалі, што хутка ўсіх вызваляць. Пакуль мы чакаем сяброў каля будынку Менскага РАУС на вуліцы Скарыны», — сказаў Піліп Шаўроў.

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG