Лінкі ўнівэрсальнага доступу

Мінлясгас: Крыжы ў Курапатах пастаўленыя незаконна, асобныя зь іх зносяць


Зьнесеныя крыжы ў Курапатах

У Міністэрстве лясной гаспадаркі Свабодзе пацьвердзілі, што ў Курапатах ідуць плянавыя працы па добраўпарадкаваньні ляснога фонду.

«Усе незаконна ўзьведзеныя спаруды, у тым ліку, і крыжы, будуць зьнесеныя», — паведаміла прэс-сакратарка Мінлясгасу Анастасія Дакучаева.

Што трэба ведаць пра Курапаты, дзе сёньня зносяць крыжы?

На ўдакладняючае пытаньне Свабоды, хто прызнаў крыжы, пастаўленыя людзьмі ў народным мэмарыяле Курапаты, незаконнымі, Анастасія Дакучаева адказала так:

«Ніводнага дакумэнту на ўсталяваньне крыжоў не было. Таму крыжы лічацца самавольна ўсталяванымі, то бок, пастаўлены незаконна».

Куды крыжы павезьлі, і ці будуць яны вернутыя тым, хто іх усталёўваў, Дакучаева пакуль не гатова адказаць, але паабяцала Свабодзе даведацца.

У афіцыйным паведамленьні міністэрства сьцьвярджаецца:

«У рамках навядзеньня парадку спэцыялістамі праводзіцца мантаж агароджаў, выдаленьне асобных спаруд. Гэтыя працы, у тым ліку, праводзяцца ў Курапатах, тэрыторыя якіх зьяўляецца гісторыка-культурнай каштоўнасьцю і землямі дзяржаўнага ляснога фонду. Зьвяртаем увагу грамадзян, што спэцыялістамі лясгаса ажыцьцяўляецца знос выключна тых аб’ектаў, якія былі ўсталяваныя без якой-небудзь дазвольнай дакумэнтацыі, г.зн. якія зьяўляюцца незаконна ўсталяванымі».

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG