Лінкі ўнівэрсальнага доступу

Больш за 200 чалавек прайшлі крыжовым шляхам у Курапатах. ВІДЭАТРАНСЬЛЯЦЫЯ

абноўлена

Крыжовы шлях у Курапатах

Увечары 4 красавіка ў Курапатах пад Менскам адбылася супольная малітва.

Чаму маліліся?

У Курапатах зранку 4 красавіка зьнесьлі 70 крыжоў. Улады сьцьвярджаюць, што крыжы паставілі незаконна. Прэс-сакратарка кіраўніка Беларусі Натальля Эйсмант патлумачыла гэта распараджэньнем Аляксандра Лукашэнкі.

Падчас прэс-канфэрэнцыі 1 сакавіка Аляксандар Лукашэнка заявіў: «Прывядзём у парадак Курапаты, каб дэманстрацыі з крыжамі па пэрымэтры не было».

Удзел у крыжовым шляху ўзялі каля 220 чалавек, піша праваабарончы цэнтар «Вясна».

Зьнічы каля ям, дзе стаялі крыжы
Зьнічы каля ям, дзе стаялі крыжы

У крыжовым шляху ўзяў удзел пратэстанцкі сьвятар Антоній Бокун. Спачатку ўдзельнікі шляху набажэнства некалькі малітваў на «Галгофе», а таксама гімн «Магутны Божа», пазьней — спусьціліся ў той бок урочышча крыжовай хадой, дзе сёньня пачалі ставіць плот. Там і па дарозе таксама зачыталі некалькі малітваў.

​Вернікі чыталі малітвы і сьпявалі рэлігійныя песьні.

На ўваходзе ва Курапаты і ля «Галгофы» дзяжурылі людзі ў цывільным, вялі відэафіксацыю. Супрацоўнікі міліцыі удзельнікам крыжовага шляху не заміналі.

Мікола Статкевіч і Марына Адамовіч
Мікола Статкевіч і Марына Адамовіч

Сярод удзельнікаў крыжовага шляху быў дарадца амбасадара Польшчы ў Беларусі Марцін Вацэхоўскі. Таксама ў Курапаты прышлі палітыкі Віталь Рымашэўскі, Аляксей Янукевіч, Мікалай Статкевіч з жонкай Марынай Адамовіч, блогеры Эдуард Пальчыс і Антон Матолька, а таксама бізнэсовец Павал Белавус.

Як сказаў адзін зь вернікаў, іх малітвы і сёньняшні чын наўпрост зьвязаныя з ранішнімі падзеямі ў Курапатах.

Блогер Эдуард Пальчыс (зьлева)
Блогер Эдуард Пальчыс (зьлева)

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG