Лінкі ўнівэрсальнага доступу

Амэрыканскія вайскоўцы застануцца ў Сырыі


Прэзыдэнт ЗША Дональд Трамп.

Колькасьць кантынгенту не перавысіць 2 тысячы чалавек.

Колькасьць кантынгенту не перавысіць 2 тысячы чалавек.

Прэзыдэнт ЗША Дональд Трамп заявіў, што яго рашэньне пакінуць невялікую колькасьць амэрыканскіх вайскоўцаў у Сырыі не азначае адмену яго пляну па вывадзе ўсіх войскаў з краіны.

«Я не адступіў», — заявіў Трамп журналістам у Белым доме ў пятніцу.

«Гэта вельмі маленькая частка нашых людзей», — сказаў Трамп, маючы на ўвазе больш за дзьве тысячы амэрыканскіх салдат у Сырыі, якія падтрымліваюць курдзкія сілы, што змагаюцца супраць рэшткаў «Ісламскай дзяржавы».

Высокапастаўлены прадстаўнік Міністэрства абароны ЗША заявіў «Голасу Амэрыкі», што невялікі кантынгент войскаў застанецца ў Сырыі, каб дапамагчы «мясцовым сілам не дапусьціць адраджэньня «Ісламскай дзяржавы». Па словах чыноўніка, гэтыя некалькі сотняў вайскоўцаў, верагодна, увойдуць у склад міжнародных міратворчых сіл.

У пятніцу Трамп заявіў: «Мы дамагліся велізарнага посьпеху ў перамозе над Халіфатам». Пры гэтым ён дадаў, што ЗША «могуць пакінуць невялікую колькасьць вайскоўцаў у складзе іншых сіл — няхай гэта будзе войскі NATO альбо хто б там ні быў, каб ён (Халіфат) ня змог усё пачаць зноў».

У сьнежні Трамп нечакана абвясьціў, што ўсе амэрыканскія вайскоўцы пакінуць Сырыю да канца красавіка.

Курдзкія саюзьнікі ЗША ў Сырыі занепакоеныя тым, што ім давядзецца сутыкнуцца з дзеяньнямі Турэччыне пасьля вываду амэрыканскіх войскаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG