Лінкі ўнівэрсальнага доступу

Трамп заклікаў краіны Эўразьвязу «забраць» больш за 800 байцоў «Ісламскай дзяржавы»


Вайсковец Сырыйских дэмакратычных сіл на пазыцыях

Прэзыдэнт ЗША Дональд Трамп заклікаў Брытанію, Францыю, Нямеччыну і іншыя эўрапейскія краіны «забраць сабе» і аддаць пад суд больш за 800 байцоў тэрарыстычнай групоўкі «Ісламская дзяржава», якія былі ўзятыя ў палон войскамі ЗША і іх саюзьнікамі ў Сырыі, паведамляе The Gardian.

На думку Трампа, у адваротным выпадку амэрыканцам давядзецца адпусьціць іх, і яны вернуцца ў краіны Эўразьвязу як свабодныя людзі і змогуць далей займацца тэрарыстычнай дзейнасьцю.

Напярэдадні камандаваньне Сырыйскіх дэмакратычных сіл, якое падтрымліваюць Злучаныя Штаты, заявіла, што пад кантролем «Ісламскай дзяржавы» ў Сырыі застаўся толькі адзін населены пункт, і ў бліжэйшы час будзе абвешчана аб поўным разгроме групоўкі, якая яшчэ два гады таму кантралявала значныя тэрыторыі ў Сырыі і Іраку.

Трамп распарадзіўся вывесьці амэрыканскія войскі з Сырыі пасьля разгрому «Ісламскай дзяржавы».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG