Лінкі ўнівэрсальнага доступу

Адміністрацыя Лукашэнкі «паставіла задачу» перавесьці 30% ТВ на беларускую мову?


Натальля Качанава, архіўнае фота
Натальля Качанава, архіўнае фота

Кіраўніца адміністрацыі прэзыдэнта Беларусі Натальля Качанава расказала на сустрэчы з калектывам кампаніі «Беларуськалій», што ў краіне пастаўленая задача «аб наяўнасьці ня менш як 30% кантэнту на беларускай мове», піша газэта «Калійшчык Салігорска» (PDF).

Пазьней выявілася, што Качанава такога не казала — а казала пра 30% нацыянальнага кантэнту.

Раней пра такую задачу аб 30% кантэнту па-беларуску нідзе не паведамлялася.

Пытаньне аб папулярызацыі беларускай мовы на тэлевізіі паставіла начальніца ідэалягічнага ўпраўленьня «Беларуськалію» Натальля Навіцкая. Яно ідзе апошнім у артыкуле, дзе расказваецца таксама пра пытаньні «Году малой радзімы», «дармаедзкага дэкрэту», пэнсійных выплатаў і якасьцяў жанчыны-лідэркі.

Беларускай мовы ў тэлевізіі пакуль мала​

Дзяржаўныя тэлеканалы Беларусі пераважна расейскамоўныя. На «Беларусь-1» хіба ёсьць асобныя перадачы па-беларуску. У «нумарной» сетцы БТ ёсьць таксама тэлеканал «Беларусь-3», пра які кіраўніцтва БТ казала, што беларускамоўныя перадачы на ім займаюць 32% штодзённага вяшчаньня, а па-беларуску робяцца 75% уласных перадачаў каналу.

Тым часам беларускамоўнаму тэлеканалу «Белсат», які вяшчае з Польшчы, адмовілі ва ўключэньні ў беларускія тэлевізійныя кабэльныя сеткі: на пэтыцыю аб гэтым намесьнік гендырэктара «Беларусь-1» Сяргей Шышко адказаў, што «ў сетцы вяшчаньня прысутнічае шырокі пералік беларускамоўных перадачаў і рубрык».

Стварыць беларускамоўны тэлеканал задумалі самі кабэльныя апэратары — з такой прапановай яны зьвярнуліся да дэпутаткі Алены Анісім, яна перадала прапанову міністру інфармацыі Аляксандру Карлюкевічу. Анісім кажа, што Карлюкевіч назваў прапановы цікавымі.

Міністар культуры Беларусі Юры Бондар казаў, што сумняецца, ці варта перакладаць кіно на беларускую: пытаўся, «ці маем мы права ўмешвацца ў задуму, творчую ідэю стваральніка фільму?»

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG