Лінкі ўнівэрсальнага доступу

50 адмоваў у суткі. Расіян працягваюць «заварочваць» на ўкраінскай мяжы


Рэгіёны, дзе было ўведзенае ваеннае становішча

Дзеяньне ваеннага становішча, якое забараняла ўезд ва Украіну грамадзянам Расійскай Фэдэрацыі мужчынскага полу, скончылася 26 сьнежня.

З 26 сьнежня, пасьля спыненьня дзеяньня ваеннага становішча ў некаторых украінскіх рэгіёнах, больш за 800 грамадзянам Расіі адмоўлена ў пропуску на тэрыторыю Украіны. Пра гэта паведамілі ў Дзяржаўнай памежнай службе. У сярэднім грамадзяне РФ атрымліваюць адмову ва ўезьдзе ва Украіну 50 разоў у суткі.

«Са спыненьнем ва Украіне дзеяньня рэжыму ваеннага становішча пагранічнікі працягваюць ажыццяўляць узмоцненыя меры бясьпекі на дзяржаўнай мяжы, лініі судакрананьня і адмінмежах з часова акупаванай тэрыторыі АР Крым. — гаворыцца ў паведамленьні на сайце Памежнай службы Украіны. — Пры гэтым пры перасячэньні мяжы замежнікамі і асобамі без грамадзянства, у тым ліку грамадзянамі Расійскай Фэдэрацыі, памежнікі пастаянна аддзяляюць групы рызык і праводзяць дадатковыя меры з мэтай недапушчэньня ва Украіну асобаў, якія могуць быць датычныя да правакацыйных або неправамерных дзеяньняў на тэрыторыі нашай дзяржавы».

Абмежаваньні на ўезд ва Украіну грамадзян Расіі мужчынскага полу ва ўзросце ад 16 да 60 гадоў увялі разам з ваенным становішчам на частцы тэрыторыі Украіны з 26 лістапада 2018 тэрмінам на адзін месяц. Пасьля завяршэньня дзеяньня ваеннага становішча Савет нацыянальнай абароны і бясьпекі Украіны вырашыў захаваць гэтае абмежаваньне. Як паведамлялі тады ўкраінскія сілавікі, за час дзеяньня ваеннага становішча ва Украіне не прапусьцілі 1616 грамадзян Расіі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG