Лінкі ўнівэрсальнага доступу

Міліцыя і Міністэрства юстыцыі адказалі пра закон аб бел-чырвона-белым сьцягу


Сьвяткаваньне 100 гадоў незалежнасьці Беларускай Народнай Рэспублікі ў Менску, ілюстрацыйнае фота
Сьвяткаваньне 100 гадоў незалежнасьці Беларускай Народнай Рэспублікі ў Менску, ілюстрацыйнае фота

Дэпутатка Палаты прадстаўнікоў, старшыня Таварыства беларускай мовы Алена Анісім 5 кастрычніка атрымала адказы зь міністэрстваў унутраных справаў і юстыцыі наконт прапановы прызнаць бел-чырвона-белы сьцяг гісторыка-культурнай каштоўнасьцю. Пра гэта Анісім паведаміла журналісту Свабоды.

Спойлер: у адказах няма стаўленьня міністэрстваў да законапраекту і бел-чырвона-белага сьцягу.

Звароты ў міністэрствы культуры, унутраных справаў і юстыцыі Анісім накіроўвала сумесна з дэпутаткай Палаты прадстаўнікоў Ганнай Канапацкай і сустаршынёй БХД Вольгай Кавальковай. Адказу зь Міністэрства культуры на момант публікацыі няма. Усе міністэрствы мусілі адказаць да 3 кастрычніка.

Абедзьве дэпутаткі выказвалі думку, што трэба дазволіць вольнае выкарыстаньне гістарычнага сьцяга ў Беларусі, у тым ліку дзяржаўнымі ўстановамі, і абараніць яго ад неправамерных перашкодаў у выкарыстаньні.

Пазыцыя МУС: «у прадстаўленым праекце закону няма нарматыўных праўных загадаў і даручэньняў», якія датычацца ведамства.

Пазыцыя Міністэрства юстыцыі: Законапраект неабходна ўзгадніць з шэрагам дзяржаўных органаў, у прыватнасьці зь Міністэрствам культуры.

На просьбу Свабоды пракамэнтаваць лісты з двух міністэрстваў дэпутатка Анісім адказала, што яна спачатку хацела пабачыць пазыцыю Міністэрства культуры. Аднак адказу з гэтага ведамства ў яе пакуль няма.

Што важна ведаць аб законапраекце пра бел-чырвона-белы сьцяг

14 траўня дэпутатка Палаты прадстаўнікоў Ганна Канапацкая прэзэнтавала грамадзкасьці законапраект аб выкарыстаньні і ахове бел-чырвона-белага сьцяга.

  • Дакумэнт накіравалі ў міністэрствы культуры, унутраных спраў і юстыцыі.
  • Пра сваё аўтарства на законапраект заяўляў былы студэнт юрыдычнага факультэту БДУ.
  • Раней кампаніямі за наданьне бел-чырвона-беламу сьцягу статусу гісторыка-культурнай каштоўнасьці займаліся «Арт Сядзіба», «Гавары праўду» і «Малады Фронт»​.
  • Дзяржаўным сымбалем Рэспублікі Беларусь бел-чырвона-белы сьцяг быў з 1991 па 1995 год.

​​

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG