Лінкі ўнівэрсальнага доступу

«Зусім іншая гульня»  — міжнародныя СМІ пра затрыманьні беларускіх журналістаў


Прынт-скрын з сайту польскага інфармацыйнага тэлеканалу TVN24, 9 жніўня 2018

«Усяго два месяцы таму Аляксандар Лукашэнка гуляў у мяч з талісманам чэмпіянату сьвету па футболе ў Расеі. Цяпер беларускі прэзыдэнт вырашыў згуляць у зусім іншую гульню» — так пачаў свой матэрыял пра затрыманьні рэдактарак парталу Tut.by польскі інфармацыйны тэлеканал TVN24.

«Улады Беларусі затрымалі ня менш за 18 журналістаў, абвінаваціўшы іх у незаконным атрыманьні інфармацыі з інфармацыйнага агенцтва… і выклікаўшы боязь, што пачынаецца падаўленьне іншадумства» — напісаў карэспандэнт The New York Times.

«Паводле беларускіх незалежных журналістаў, акцыя міліцыі зьяўляецца папярэджаньнем для СМІ, якія не знаходзяцца пад дзяржаўным кантролем» — адзначыла чэскае інтэрнэтнае радыё iRozhlas.

Абапіраючыся на паведамленьні сусьветных прэс-агенцтваў, матэрыялы пра ператрусы і затрыманьні незалежных журналістаў у Беларусі зьмясьцілі швэдзкія СМІ, у тым ліку газэта Dagens Nyheter і Швэдзкае радыё.

Матэрыялы пра ператрусы і затрыманьні ў сувязі са «справай «БелТА» зьмясьцілі таксама BBC і Deutsche Welle.

Затрыманьні незалежных журналістаў. Што важна ведаць

Падчас ператрусаў у інфармацыйным агенцтве БелаПАН. 7 жніўня 2018 году
Падчас ператрусаў у інфармацыйным агенцтве БелаПАН. 7 жніўня 2018 году

  • Сьледчы камітэт завёў крымінальную справу за несанкцыянаваны доступ да кампутарнай інфармацыі. Максымальнае пакараньне паводле ч. 2 арт. 349 — абмежаваньне ці пазбаўленьне волі на тэрмін да 2 гадоў.
  • 7–8 жніўня прайшлі ператрусы ў офісах Tut.by, БелаПАН, Realt.by, газэты «Культура» і ТАА «Айціві». Таксама па справе праходзіць выдавецкі дом «Беларуская навука».
  • Вядома, што цягам 7–9 жніўня затрымалі 17 журналістаў. Іх вызвалялі пасьля допыту ў СК.
  • 9 жніўня СК заявіў, што галоўная рэдактарка Tut.by Марына Золатава прызнала віну.
  • Падставай для завядзеньня крымінальнай справы паслужыла паведамленьне БелТА пра збоі ў кліентаў пры доступе да платнай падпіскі на паслугі.
  • Платная падпіска БелТА каштуе 612 рублёў на месяц.
  • Хто асудзіў затрыманьні журналістаў і ператрусы ў рэдакцыях. Сьпіс​
  • У чэрвені 2018 году супраць кіраўніка БелаПАН Алеся Ліпая завялі крымінальную справу за ўхіленьне ад сплаты падаходнага падатку.

Юры Зісер: Гэта справа ня супраць Tut.by, а супраць асобных журналістаў

Дырэктарка БелТА: Нашу інфармацыю кралі. Хто гэта рабіў, мы ня ведалі

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG