Лінкі ўнівэрсальнага доступу

Лукашэнка пажартаваў пра сваё пахаваньне і «двайніка». ВІДЭА


Аляксандр Лукашэнка кантралюе хаду ўборкі ўраджаю ў Менскім раёне, 1 жніўня

У вечаровых праграмах беларускіх дзяржаўных тэлеканалаў паказалі сюжэты пра тое, як Аляксандар Лукашэнка кантралюе хаду ўборкі ўраджаю ў Менскім раёне.

Сярод іншага, кіраўнік Беларусі пажартаваў наконт чутак пра сваю сьмерць, якія зьявіліся апошнімі днямі:

— У наступным годзе мне дакладзеш. Ты ж дажывеш да наступнага году?
— Ну, я думаю... Пляную
— Не, асабліва не заракайся. Бо мяне пахавалі суткі таму, і цябе могуць пахаваць.

Адказваючы на пытаньне журналіста, Лукашэнка таксама сказаў: «Пачакай, яшчэ кажуць што двайнік працуе, і часам мяне мацаюць так».

На відэа прыблізна ад 6.30

30 ліпеня расейскі пракрамлёўскі ананімны Telegram-канал «Незыгарь» паведаміў, што ў Аляксандра Лукашэнкі нібыта здарыўся інсульт. Сльдем за ім чуткі падхапілі шэраг расейскіх і ўкраінскіх СМІ. Прэсавая сакратарка кіраўніка Беларусі Натальля Эйсмант заявіла Свабодзе, што гэта поўная лухта.

Раней, 27 ліпеня, Лукашэнка скасаваў заплянаваны візыт у Гомель, што выклікала падазрэньні, хаця 28 ліпеня, паводле афіцыйных беларускіх СМІ, ён сустракаўся з кітайскай дэлегацыяй, а 31 ліпеня — са старшынём Менскага аблвыканкаму Анатолем Ісачэнкам.

«Інсульт», які перанесла ўсё грамадзтва

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG