У Курапатах затрымалі Вольгу Мікалайчык

Алесь Дашчынскі

31 травень 2018, 21:55 абноўлена 31 травень 2018, 22:08

Напрыканцы акцыі абаронцаў Курапатаў супраць адкрыцьця рэстарацыі «Поедем поедим» 31 траўня затрымалі актывістку Вольгу Мікалайчык, паведаміў карэспандэнт Свабоды.

Да абаронцаў Курапатаў пад’ехала машына без нумароў, адкуль выбеглі супрацоўнікі ў цывільным і выгукнулі «Савецкае РУУС». Вольгу Мікалайчык схапілі і пацягнулі ў машыну.

«На костках зрабілі кабак». Акцыя пратэсту супраць адкрыцьця рэстарацыі ў Курапатах

Да гэтага моманту іншыя пратэстоўцы разышліся, на месцы акцыі засталіся пакінутыя імі зьнічы і крыж.

Машына, на якой зьвезьлі Вольгу Мікалайчык, была без нумароў

Увечары 31 траўня насупраць будынку забаўляльнага цэнтру, раней вядомага як «Бульбаш-хол», дзе плянуецца адкрыцьцё рэстарацыі «Поедем поедим», адбылася акцыя абаронцаў Курапатаў. Вольга Мікалайчык была арганізатаркай гэтай акцыі.

У Менаблвыканкаме абаронцам Курапатаў паабяцалі, што 1 чэрвеня рэстарацыя не адкрыецца

30 траўня ў Менску абаронцы Курапатаў правялі тэрміновую нараду «ўсіх, гатовых спыніць новы „Бульбаш-хол“». Яны вызначылі плян дзеяньняў на бліжэйшыя дні. 1 чэрвеня актывісты зьбіраюцца пікетаваць новую рэстарацыю, а 3 чэрвеня ў Курапатах заплянаваны мэмарыяльны мітынг, прысьвечаны 30-годзьдзю адкрыцьця праўды пра ўрочышча пад Менскам, дзе ў 1930-х расстралялі і пахавалі сотні тысяч чалавек.

У інтэрнэце на плятформе change.org ідзе збор подпісаў пад пэтыцыяй, якая мае назву «Музэй сталінскіх рэпрэсіяў, а не „кабак“!».

Як зьявіўся «Бульбаш-хол»

Будоўля забаўляльнага цэнтру ў Курапатах, вядомага як «Бульбаш-хол», пачалася ў 2012 годзе ў межах ахоўнай зоны. Пасьля зваротаў грамадзкасьці дзяржаўныя ўстановы выявілі парушэньні пры будаўніцтве, і яно было спыненае. Аднак у 2015 годзе Міністэрства культуры скараціла ахоўную зону Курапатаў са 120 да 50 мэтраў, і «Бульбаш-хол» трапіў у зону рэгуляванай забудовы, дзе будаваць можна з улікам функцыянальных патрабаваньняў. Пратэсты грамадзкасьці, звароты ў суд і пракуратуру плёну не далі.

Пазьней паведамлялася, што «Бульбаш-хол» зьмяніў назву на «Банкет-хол». Але рэстаранна-забаўляльны комплекс каля Курапатаў так і не адкрыўся.

Грамадзкасьць прапаноўвала дзяржаве выкупіць комплекс і перадаць яго на балянс Беларускага саюзу мастакоў «дзеля творчай дзейнасьці ў інтарэсах Курапатаў». А таксама «сесьці за круглы стол з уладальнікамі гэтага аб’екту і падумаць, разабрацца, як гэта зрабіць, каб і бізнэс захаваць, і не парушаць маральных нормаў, якія там павінны быць захаваныя».

16 лютага 2017 году грамадзкасьць пачала абарону Курапатаў супраць будаўніцтва ў іншым месцы бізнэс-цэнтру прыватным прадпрыемствам «Белрэканструкцыя». Будаўнічая пляцоўка разьмясьцілася за некалькі дзясяткаў мэтраў ад курапацкіх крыжоў, на плошчы, якая ўваходзіла ў ахоўную зону Курапатаў. Гэты кавалак зямлі Менгарвыканкам прадаў прадпрымальнікам, скараціўшы межы ахоўнай зоны ўрочышча.

Абарона Курапатаў-2017. Як гэта было

1/32 Першыя сутычкі з будаўнікамі. Актывістаў, якія знаходзіліся ў цэнтры пляцоўкі, наўпрост узялі ў ланцуг адмысловымі платамі. Людзі спрабавалі паваліць платы, без якіх пачынаць будаўніцтва працоўныя ня мелі права.

3/32 Пакуль актывісты змагаліся з будаўнікамі, іншыя рабочыя наўпрост зьмялі невялічкі намёт пратэстоўцаў і выкінулі іх рэчы за мяжу будаўнічай пляцоўкі. Разьюшаны Зьміцер Дашкевіч падымае кінуты ў бруд бел-чырвона-белы сьцяг.

4/32 Менавіта так выглядаў лягер актывістаў Маладога Фронту ў першую ноч. Пад даждом і мокрым сьнегам. Нават бяз вогнішча, бо ўвесь час яго тушылі будаўнікі, якія не пакідалі пляцоўкі нават уначы. Да самай раніцы падавалася, што дапамогі больш ня будзе.

А так <strong>–</strong> раніцай другога дня. На гадзіньніку каля 08:20. — 5/32 А так – раніцай другога дня. На гадзіньніку каля 08:20.

6/32 На другі дзень прыйшлі новыя людзі, якія амаль адразу ж паспрабавалі ўзяць штурмам зноў усталяваныя платы.

7/32 Актывісты пачалі блякаваць будаўнічую тэхніку. Бард Андрэй Мельнікаў зачытвае ліст у падтрымку абаронцаў Курапатаў.

Чацьвёрты дзень. Міліцыянты ў "цывільным" і будаўнікі пільна сочаць за абаронцамі.<br /> — 8/32 Чацьвёрты дзень. Міліцыянты ў "цывільным" і будаўнікі пільна сочаць за абаронцамі.

9/32 Першы мітынг ў абарону Курапатаў. Чацьвёрты дзень.

10/32 Аляксей Янукевіч выступае з прамовай падчас мітынгу ў лягеры абаронцаў.

11/32 Пяты дзень абароны. Сяргей Пальчэўскі прыкаваў сябе наручнікамі да будаўнічага МАЗу.

12/32 Зьміцер Дашкевіч у той жа час заблякаваў трактар і залез на кабіну гэтай машыны.

13/32 Адразу пасьля "вызваленьня" Сяргея Пальчэўскага, супрацоўнікі спэцназу паспрабавалі затрымаць актывіста і яго паплечнікаў. Неабыякавыя людзі заступіліся за абаранцаў, у выніку адбылася бойка.

14/32 Актывісты Маладога Фронту Ўладзімер Яроменак, Раман Васільеў і Сяргей Пальчэўскі ляжаць на зямлі, абхапіўшы адзін аднаго, у атачэньні паплечнікаў, якія спрабуюць абараніць іх ад міліцыі.

15/32 Мінак разглядае імправізаваную выставу на плоце будоўлі пра забітых у Курапатах дзеячоў беларускай культуры і навукі.

16/32 Юнакі сьпяваюць песьню падчас восьмага дня абароны Курапатаў.

17/32 Людзі апладзіруюць, калі будаўнічая тэхніка пакідае будоўлю.

19/32 Раніца дзевятага дня абароны. Уладзімер Някляеў чытае свае вершы, каб маральна падтрымаць абаронцаў і актывістаў.

20/32 Уладзімер Яроменак, актывіст Маладога Фронту і адзін з галоўных абаронцаў Курапатаў, прачынаецца ў намёце і выглядае, каб паглядзець, што адбываецца.

21/32 Дзясяты дзень. Некалькі лідараў палітычных рухаў падаюць пэтыцыю ў Менгарвыканкам з патрабаваньнем спыніць будоўлю.

22/32 Дванаццаты дзень. Уладзімер Яроменак і Раман Васільеў правяраюць музычныя прылады на імправізаванай сцэне ў намётавым лягеры абаронцаў.

23/32 Дванаццаты дзень. Кран пачынае прыбіраць будаўнічыя матэрыялы з пляцоўкі.

24/32 Трынаццаты дзень. Абаронцы спрабуюць сагрэцца ля бочкі, нягледзячы на дрэннае надвор'е.

25/32 Трынаццаты дзень абароны. Перадапошні. Сьпікеры і палітыкі рыхтуюцца да прамоваў на сьвяточным мітынгу наўпрост у намётавым мястэчку ў гонар перамогі абаронцаў.

26/32 Вядомы блогер Эдуард Пальчыс упершыню выступае публічна. Сьвяточны пераможны мітынг абаронцаў.

27/32 Маленькае дзіця трымае вялікі бел-чырвона-белы сьцяг падчас мітынгу.

28/32 Апошні і пятнаццаты дзень абароны Курапатаў. Актывісты распальваюць вогнішча, каб выпіць гарбаты і кавы перад тым, як канчаткова згарнуць лягер.

30/32 Актывістка прыбірае тэрыторыю ўжо былога намётавага мястэчка.

31/32 Актывісты Маладога Фронта прыбіраюць сьцягі зь месца былога супрацьстаяньня.

32/32 Перад тым, як канчаткова пакінуць месца былога лягеру, Зьміцер Дашкевіч лезе на дрэва і правярае, ці сапраўды прыбралі і вывезьлі ўсе будаўнічыя прылады і матэрыялы.

Супрацьстаяньне будаўнікоў і грамадзкасьці доўжылася больш за месяц. Урэшце прадпрыемства «Белрэканструкцыя» адмовілася ад будаўніцтва. Але шмат каго з абаронцаў затрымалі, судзілі і аштрафавалі.

Больш за 16 гадоў таму моладзевыя актывісты выступілі супраць пашырэньня кальцавой дарогі праз Курапаты. Кругласутачнае дзяжурства ва ўрочышчы доўжылася больш за восем месяцаў — ад 24 верасьня 2001 году да 3 чэрвеня 2002 году. Свабода штодня асьвятляла падзеі ва ўрочышчы, вынікам стала кніга аднаго рэпартажу «Дарога праз Курапаты».

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледнікі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Алесь Дашчынскі

У Курапатах затрымалі Вольгу Мікалайчык

«На костках зрабілі кабак». Акцыя пратэсту супраць адкрыцьця рэстарацыі ў Курапатах

Падкасты Свабоды

Тэлеграм Свабоды

Інстаграм Свабоды

У Менаблвыканкаме абаронцам Курапатаў паабяцалі, што 1 чэрвеня рэстарацыя не адкрыецца

Як зьявіўся «Бульбаш-хол»

Абарона Курапатаў-2017. Як гэта было

Сталінскія рэпрэсіі ў Беларусі

Алесь Дашчынскі

Тэмы гэтага артыкулу

Лінкі ўнівэрсальнага доступу

Сачыце за абнаўленьнямі

У Курапатах затрымалі Вольгу Мікалайчык

«На костках зрабілі кабак». Акцыя пратэсту супраць адкрыцьця рэстарацыі ў Курапатах

Падкасты Свабоды

Тэлеграм Свабоды

Інстаграм Свабоды

У Менаблвыканкаме абаронцам Курапатаў паабяцалі, што 1 чэрвеня рэстарацыя не адкрыецца

Як зьявіўся «Бульбаш-хол»

Абарона Курапатаў-2017. Як гэта было

Сталінскія рэпрэсіі ў Беларусі

Алесь Дашчынскі

Тэмы гэтага артыкулу