Лінкі ўнівэрсальнага доступу

Лукашэнку запрасілі ў Аўстрыю

абноўлена

Аляксандар Лукашэнка падчас форуму «Менскі дыялёг»

Падчас тэлефоннай размовы 29 траўня фэдэральны канцлер Аўстрыі Сэбастыян Курц запрасіў кіраўніка Беларусі Аляксандра Лукашэнку наведаць Аўстрыю.

Лукашэнка прыняў запрашэньне наведаць Аўстрыю і запрасіў Курца ў Беларусь. Дакладныя даты візыту Лукашэнкі ў Аўстрыю і Курца ў Беларусь не называліся.

Падчас размовы кіраўнікі дзяржаў гаварылі пра:

  • заплянаваную на восень сустрэчу асноўнай групы Мюнхэнскай канфэрэнцыі па бясьпецы;
  • форум «Менскі дыялёг», які прайшоў у Менску 23–25 траўня;
  • гандлёва-эканамічныя сувязі і інвэстыцыі;
  • разьвіцьцё кампаніі velcom, якая ўваходзіць у аўстрыйскі холдынг «TelekomAustriaAG».

Палітоляг Андрэй Фёдараў у камэнтары Свабодзе адзначыў, што гэта была шараговая тэлефонная размова, у цяперашніх рэаліях сустрэча двух кіраўнікоў цалкам мажлівая, але ўсё можа зьмяніцца.

Стракатая гісторыя беларуска-аўстрыйскіх дачыненьняў

За апошнія 10 гадоў Лукашэнка езьдзіў у краіны Эўразьвязу тры разы:

  • Красавік 2009 — падчас візыту ў Ватыкан Лукашэнка меў аўдыенцыю ў папы Бэнэдыкта XVI і нефармальную сустрэчу з кіраўніцтвам Італіі — з прэм’ер-міністрам Сыльвіё Бэрлюсконі і міністрам замежных спраў Франка Фратыні.
  • Верасень 2009 — з ініцыятывы Літвы Лукашэнка зьезьдзіў у Вільню. Там ён сустрэўся з прэзыдэнтам краіны Даляй Грыбаўскайце і прысутнічаў на адкрыцьці беларуска-літоўскага эканамічнага форуму.
  • Травень 2016 — Лукашэнка сустрэўся ў Ватыкане з папам Францішкам, у Рыме — з прэзыдэнтам Італіі Сэрджыё Матарэлам.

Летась у лістападзе Лукашэнка адмовіўся ад запрашэньня Брусэлю наведаць саміт «Усходняга партнэрства».

Храналёгія санкцый Эўразьвязу супраць Беларусі

  • 1997 год — Брусэль забараняў кантакты на высокім узроўні, любое супрацоўніцтва і тэхнічную дапамогу, апроч «чарнобыльскіх» праектаў. Тады МЗС Аўстрыі рэкамэндаваў палітыкам не сустракацца з кіраўніком Беларусі.
  • 2004 год — асабістыя візавыя санкцыі. Першапачаткова яны былі ўведзеныя адносна асобаў, якія падазраваліся ў датычнасьці да палітычных выкраданьняў. Пасьля разгону Плошчы-2010 Эўразьвяз пашырыў санкцыі яшчэ на шэраг асобаў.
  • Верасень 2015 — прыпыненьне санкцый пасьля выхаду на волю ўсіх палітвязьняў Беларусі. На пачатку 2016 году львіную долю санкцый анулявалі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG