09:38
8.4.2014
Сэпаратысты застаюцца ў Данецкай адміністрацыі
Сэпаратысты працягваюць знаходзіцца ўнутры будынку Данецкай абласной дзяржаўнай адміністрацыі па стане на 8:45 8 красавіка, паведамляе рэсурс «Новости Донбасса».
Сэпаратысты занялі частку кабінэтаў чыноўнікаў адміністрацыі і Данецкай абласной рады, там жа раскладзеныя матрацы, працуе сталовая. Людзі таксама дзяжураць на Кастрычніцкай плошчы перад будынак адміністрацыі.
Большасьць маёмасьці ўнутры адміністрацыі сапсавана, зафіксаваныя факты вандалізму, марадзёрства.
09:58
8.4.2014
Адміністрацыя ў Харкаве гатовая да працы
У выніку спэцапэрацыі сілавікоў будынак Харкаўскай аблдзяржадміністрацыі вызвалены, і яна гатовая да працы. Пра гэта паведаміў старшыня Харкаўскай аблдзяржадміністрацыі Ігар Балута.
«На дадзены момант будынак абласной адміністрацыі ўзяты пад ахову міліцыяй і байцамі ўзброеных сіл Украіны, яна цалкам гатовая да працы супрацоўнікаў», — цытуе словы Балуты сайт Харкаўскай абласной адміністрацыі.
Кіраўнік вобласьці адзначыў, што антытэрарыстычная апэрацыя ў горадзе будзе працягнутая. Раней у ходзе гэтай спэцапэрацыі былі затрыманыя 70 чалавек.
10:09
8.4.2014
Сэпаратысты вызвалілі будынак СБУ ў Данецку
Пра гэта паведаміў 5 канал са спасылкай на мясцовую міліцыю. Працягваюцца перамовы з сэпарастыстамі, якія захапілі будынак абласной дзяржадміністрацыі.
10:33
8.4.2014
Міліцыя ўзяла пад кантроль тэлевежу ў Харкаве
Харкаўская рэгіянальная тэлевежа, якую ўчора спрабавалі захапіць прарасейскія сэпаратысты, знаходзіцца пад кантролем міліцыі. Пра гэта паведамілі УНІАН у міліцыі Харкаўскай вобласьці.
10:43
8.4.2014
Сярод затрыманых у Харкаве сэпаратыстаў грамадзян Расеі не было
Сярод 64 затрыманых за захоп будынка абласной адміністрацыі ў Харкаве расейцаў не было. Пра гэта журналістам паведаміў прадстаўнік абласной міліцыі.
11:39
8.4.2014
13:19
8.4.2014
Авакаў абяцае звольніць траціну харкаўскай міліцыі
Пасьля вызваленьня Харкаўскай абласной адміністрацыі і затрыманьня 70 сэпаратыстаў міністар унутраных спраў Украіны Арсен Авакаў напісаў у Фэйсбуку:
«Па выніках гэтых двух дзён супрацьстаяньняў у Харкаве мною будуць зробленыя высновы па кадравым складзе падразьдзяленьняў міліцыі вобласьці. Шмат што з таго, што я ўбачыў, больш было падобным на сабатаж, чым на службу. Усе, каго гэта тычыцца — сыдуць — ад кіраўнікоў і да шараговага складу, што ня менш важна. Міліцыя ў Харкаве павінна мяняцца карэнным чынам!»
13:40
8.4.2014
«Данецкую рэспубліку» скасавалі
Самаабвешчаную «Данецкую рэспубліку» скасавалі назаўтра ж пасьля абвяшчэньня.
З афіцыйнай заявай пра гэта выступіў Камітэт патрыятычных сіл Данбасу ад імя Народных збораў.
Камітэт спаслаўся на атрыманыя ім «шматлікія звароты грамадзян з заявамі аб іх нязгодзе са стварэньнем Данецкай рэспублікі і абвяшчэньнем аб яе далучэньні да суседняй дзяржавы, а таксама з правядзеньнем рэфэрэндуму без адпаведнай нарматыўнай базы».
У сувязі з гэтым 7 красавіка ў Данецку Камітэт патрыятычных сіл Данбасу правёў Народныя зборы з удзелам прадстаўнікоў 66 адміністрацыйна-тэрытарыяльных адзінак Данецкай вобласьці. На зборах пастанавілі:
1. Адмяніць рашэньне аб стварэньні Данецкай рэспублікі.
2. Забараніць правядзеньне любых рэфэрэндумаў на тэрыторыі Данецкай вобласьці да стварэньня адпаведнай прававой базы.
3. Прызнаць незаконнымі заявы аб аддзяленьні Данецкай вобласьці ад Украіны і захаваць рэгіён у складзе незалежнай Украінскай дзяржавы.
Пастанову апублікаваў сайт «Новости Донбасса».
13:46
8.4.2014