Важным застаецца пытаньне ня толькі наконт функцыяў будучага парлямэнту, але й наконт таго, паводле якога выбарчага закону будуць адбывацца выбары ў заканадаўчы ворган. Учора адбылося паседжаньне рабочай групы ў дапрацоўцы выбарнага кодэксу Беларусі. Камэнтуючы вынікі гэтага паседжаньня, старшыня групы, член-карэспандэнт Нацыянальнае акадэміі навук, выканаўца абавязкаў дырэктара інстытуту права Мікалай Сторажаў у інтэрвію беларускай тэлевізыі ў прыватнасьці паскардзіўся, што "нягледзячы на рэзалюцыі парлямэнцкае групы АБСЭ, неаднаразовыя запрашэньні з боку парлямэнцкіх камісыяў, што працуюць над дакумэнтам, сваіх прадстаўнікоў апазыцыя не даслала". Аднак выглядае, што ня толькі апазыцыя, якая і тлумачыла сваё ігнараваньне ўдзелу у дапрацоўцы выбарчага Кодэксу тым, што ніхто да яе прапановаў прыслухоўвацца ня будзе, але й самі прадстаўнікі місыі АБСЭ на ўдзел у падрыхтоўцы выбарчага Кодэксу пачынаюць глядзець скэптычна. Прадстаўнік кансультатыўна-маніторынгавае групы АБСЭ, дарадчык Мішэль Рэвалье прыняў удзел у паседжаньні з абмеркаваньнем праекту выбарчага Кодэксу. І што ж? Паводле словаў намесьніка старшыні камісыі дзяржаўнага будаўніцтва й мяйсцовага самакіраваньня палаты прадстаўнікоў "нацыянальнага сходу" Мікалая Лазавіка, шэраг прапановаў Рэвалье не ўпісваецца ў Канстытуцыю Беларусі. Прыкладам, Рэвалье ад імя АБСЭ прапанаваў зьнізіць плянку збора подпісаў грамадзянаў, неабходных дзеля пастаноўкі пытаньня аб правядзеньні рэфэрэндуму. Але ў Канстытуцыі запісана, што трэба сабраць ня менш за 450 тысячаў подпісаў і таму пагадзіцца з Рэвалье немагчыма, бо Канстытуцыю нікому не дазволена парушаць. АБСЭ прапанавала таксама пад час абраньня прэзыдэнта зьнізіць норму яўкі выбаршчыкаў на выбарныя ўчасткі. Але ж у артыкуле 82 Канстытуцыі запісана, што выбары лічацца адбыўшыміся, калі ў галасаваньні прынялі ўдзел больш паловы грамадзянаў Беларусі, уключаных у сьпіс выбаршчыкаў, а Канстытуцыю парушаць нельга. Іншая справа, што можна будзе падыскутаваць пра норму яўкі выбаршчыкаў на парлямэнцкія выбары. Але да якой высновы прыйдуць дэпутаты на сэсыі нацыянальнага сходу, сказаць цяжка, заўважыў Мікалай Лазавік. Ад сябе зазначым, што рашэньне дэпутатаў прадбачыць зусім ня цяжка яно будзе такім, на якое пагодзіцца Аляксандар Лукашэнка. Так было пад час прыняцьця закону аб выбарах у мяйсцовыя саветы. Лукашэнка доўга не пагаджаўся на зьніжэньне 50% нормы яўкі выбаршчыкаў, матывуючы гэта тым, што дэпутаты мусяць на выбарах атрымаць высокі ўзровень даверу насельніцтва, але ўрэшце рэшт пагадзіўся зьнізіць яе да 25% у другім туры. Дарэчы, выбары ў мяйсцовыя саветы кансультатыўна-маніторынгавая група АБСЭ прызнае праведзенымі недэмакратычна. А дэпутаты "нацыянальнага сходу", між іншым, пад час прыняцьця закону аб выбарах у мяйсцовыя саветы ня ўлічылі аніводнае зь ейных прапановаў. І тым ня менш, яна працягвае працаваць зь імі і над праектам выбарчага Кодэксу, што дае беларускім уладам магчымасьць спасылацца на АБСЭ ў сваіх інтарэсах у прыватнасьці, сьцвярджаць, што пад эгідаю кансультатыўна-маніторынгавай групы АБСЭ распрацоўваюцца законы, якія адпавядаюць патрабаваньням дэмакратычных краінаў.
Важным застаецца пытаньне ня толькі наконт функцыяў будучага парлямэнту, але й наконт таго, паводле якога выбарчага закону будуць адбывацца выбары ў заканадаўчы ворган. Учора адбылося паседжаньне рабочай групы ў дапрацоўцы выбарнага кодэксу Беларусі. Камэнтуючы вынікі гэтага паседжаньня, старшыня групы, член-карэспандэнт Нацыянальнае акадэміі навук, выканаўца абавязкаў дырэктара інстытуту права Мікалай Сторажаў у інтэрвію беларускай тэлевізыі ў прыватнасьці паскардзіўся, што "нягледзячы на рэзалюцыі парлямэнцкае групы АБСЭ, неаднаразовыя запрашэньні з боку парлямэнцкіх камісыяў, што працуюць над дакумэнтам, сваіх прадстаўнікоў апазыцыя не даслала". Аднак выглядае, што ня толькі апазыцыя, якая і тлумачыла сваё ігнараваньне ўдзелу у дапрацоўцы выбарчага Кодэксу тым, што ніхто да яе прапановаў прыслухоўвацца ня будзе, але й самі прадстаўнікі місыі АБСЭ на ўдзел у падрыхтоўцы выбарчага Кодэксу пачынаюць глядзець скэптычна. Прадстаўнік кансультатыўна-маніторынгавае групы АБСЭ, дарадчык Мішэль Рэвалье прыняў удзел у паседжаньні з абмеркаваньнем праекту выбарчага Кодэксу. І што ж? Паводле словаў намесьніка старшыні камісыі дзяржаўнага будаўніцтва й мяйсцовага самакіраваньня палаты прадстаўнікоў "нацыянальнага сходу" Мікалая Лазавіка, шэраг прапановаў Рэвалье не ўпісваецца ў Канстытуцыю Беларусі. Прыкладам, Рэвалье ад імя АБСЭ прапанаваў зьнізіць плянку збора подпісаў грамадзянаў, неабходных дзеля пастаноўкі пытаньня аб правядзеньні рэфэрэндуму. Але ў Канстытуцыі запісана, што трэба сабраць ня менш за 450 тысячаў подпісаў і таму пагадзіцца з Рэвалье немагчыма, бо Канстытуцыю нікому не дазволена парушаць. АБСЭ прапанавала таксама пад час абраньня прэзыдэнта зьнізіць норму яўкі выбаршчыкаў на выбарныя ўчасткі. Але ж у артыкуле 82 Канстытуцыі запісана, што выбары лічацца адбыўшыміся, калі ў галасаваньні прынялі ўдзел больш паловы грамадзянаў Беларусі, уключаных у сьпіс выбаршчыкаў, а Канстытуцыю парушаць нельга. Іншая справа, што можна будзе падыскутаваць пра норму яўкі выбаршчыкаў на парлямэнцкія выбары. Але да якой высновы прыйдуць дэпутаты на сэсыі нацыянальнага сходу, сказаць цяжка, заўважыў Мікалай Лазавік. Ад сябе зазначым, што рашэньне дэпутатаў прадбачыць зусім ня цяжка яно будзе такім, на якое пагодзіцца Аляксандар Лукашэнка. Так было пад час прыняцьця закону аб выбарах у мяйсцовыя саветы. Лукашэнка доўга не пагаджаўся на зьніжэньне 50% нормы яўкі выбаршчыкаў, матывуючы гэта тым, што дэпутаты мусяць на выбарах атрымаць высокі ўзровень даверу насельніцтва, але ўрэшце рэшт пагадзіўся зьнізіць яе да 25% у другім туры. Дарэчы, выбары ў мяйсцовыя саветы кансультатыўна-маніторынгавая група АБСЭ прызнае праведзенымі недэмакратычна. А дэпутаты "нацыянальнага сходу", між іншым, пад час прыняцьця закону аб выбарах у мяйсцовыя саветы ня ўлічылі аніводнае зь ейных прапановаў. І тым ня менш, яна працягвае працаваць зь імі і над праектам выбарчага Кодэксу, што дае беларускім уладам магчымасьць спасылацца на АБСЭ ў сваіх інтарэсах у прыватнасьці, сьцвярджаць, што пад эгідаю кансультатыўна-маніторынгавай групы АБСЭ распрацоўваюцца законы, якія адпавядаюць патрабаваньням дэмакратычных краінаў.
Самае папулярнае
1