Лінкі ўнівэрсальнага доступу

Ужо сёньня, 19 студзеня


Бліц-агляд падзеяў і тэмаў у Беларусі, сьвеце, гісторыі.

НАДВОР’Е:


Увесь дзень сьнег з дажджом, тэмпэратура каля нуля.

НЕ ПРАХОДЗЬЦЕ МІМА:


Менск: у офісе Партыі БНФ адбудзецца адкрыцьцё выставы, прысьвечанай героям Плошчы-2010.

Нью-Ёрк: беларускі “Свабодны тэатар” разам з “Amnesty International” і “Public Theater” сумесна правядуць акцыю пратэсту “Свабодная Беларусь”. У акцыі возьмуць удзел прадстаўнікі тэатральнай супольнасьці Нью-Ёрку.

Кракаў і Люблін: акцыі салідарнасьці зь Беларусьсю.

Менск: у Сьвята-Духавым катэдральным саборы кіраўнік Беларускай праваслаўнай царквы мітрапаліт Менскі і Слуцкі Філарэт адправіць боскую літургію, а затым вялікі правядзе чын асьвячэньня вады.

Менск: у інфармацыйным цэнтры "Культура-інфа" пройдзе прэсавая канфэрэнцыя, прысьвечаная прэзэнтацыі Полацку, з удзелам міністра культуры П.Латушкі і старшыні Полацкага гарвыканкаму У.Тачылы.

ТАМ, ДЗЕ НАС НЯМА:


Вашынгтон: перамовы паміж прэзыдэнтам ЗША Баракам Абамам і кітайскім лідэрам Ху Цьзіньтао.

ТАКСАМА Ў ГЭТЫ ДЗЕНЬ:


1903: Абвешчана аб правядзеньні першай у сьвеце гонкі на роварах – “Тур дэ Франс”.

1911: Заснавана Менская гарадзкая бібліятэка.

1918: Разагнаны Ўсерасейскі ўстаноўчы сход.

1963: Адбыўся першы выступ гурту "Бітлз" на тэлебачаньні.

1966: Індыра Гандзі стала 3-м прэм'ер-міністрам Індыі.

1981: Іран вызваліў амэрыканскіх дыпляматаў, якіх трымаў у закладніках 14 месяцаў.

Нарадзіліся:

1723: Дай Чжэнь, кітайскі філёзаф.

1736: Джэймз Ват, шатляндзкі інжынэр, вынаходнік-мэханік (пам. 19.8.1819).

1809: Эдгар Алан По, амэрыканскі пісьменьнік (пам. 7.10.1849).

1839: Поль Сэзан, францускі мастак (пам. 22.10.1906).

1910: Іван Ушакоў, беларускі тэатральны мастак, заслужаны дзяяч мастацтваў Беларусі.

1947: Лешак Бальцаровіч, польскі палітык і эканаміст.

МІНУС 365:


Год таму на сайце “Свабоды”: "Энэргетычныя перамовы “завісьлі” разам з нафтавымі".

ЦЫТАТА НА ПАМЯЦЬ:


Невуцтва – гэта шчасьце, але, каб яно было поўнае, яно павінна быць такое глыбокае, каб не падазраваць аб самім сабе – Эдгар Алан По.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG