Лінкі ўнівэрсальнага доступу

АЛ

пятніца 6 сьнежань 2019

Архіў
сьнежань 2019
пан аўт сер чац пят суб няд
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Дарагі таварыш пяцёрача прэзыдэнт,

Крым наш.

Прыйшоў час давесьці гэтую простую ісьціну ўсяму сьвету, как гаварыцца, ад Калінінграда да Кёнігсберга. Ужо і каню ясна, што Ўкраіна адабраць назад у Расеі Крым ня зможа, дай Бог, каб Данбас не прыраўнялі да Гандураса. Ясна ўжо таксама, што Расея ўтрымаць Крым ня зможа, бо Турцыя стала неяк зусім блізка, ня кожны самалёт, как гаварыцца, праляціць.

Дзе Крым, а дзе Рым, как гаварыцца, вось толькі як бы ўсе там не патапіліся. Асабліва цяпер, калі сьвятла няма, а мясцовасьць перасечаная.

І тут выходзіце Вы зь менскім мірным працэсам: перадаць Крым у наўпроставае і бязвыплатнае кіраваньне Вам з чарнаморскім флотам і ялцінскім батанічным садам уключна.

Плян такі: Пуціну гаворыце, што і заўсёды — ляжам грудзямі ці на сьпіну, але на пляж танкі НАТА ня пусьцім. Паколькі ўсё гэта не для сябе, а для братоў, дык няхай яны бюджэт па-ранейшаму напаўняюць, а мы разьмяркуем.

Парашэнку тое самае — раз Крым ваш, давайце бюджэт, а мы разьмяркуем.

І Захаду, і МВФ тое самае, толькі двойчы — дайце грошай на рэформу Крыма, і прэміяльны крэдыт за разьвязваньне геапалітычнага канфлікту.
І пераносіце Палац незалежнасьці ў Крым — там такія кавуны родзяць!
І ўсе ўсюды шчасьлівыя: у Маскве, што Крым іх і санкцыі зьнялі. У Кіеве, што не маскалі Крымам кіруюць. На Захадзе шчасьлівыя ўтрая, бо можна вустрыцы ў Маскву пастаўляць, газ праз Украіну атрымліваць, грошы Беларусі даваць.

А мы нарэшце атрымліваем выхад.

І ня толькі да мора!

АЛ

Хвост для кабылы

Памятка дэмакрата: 10 рэчаў, якія ня варта чакаць ад выбараў

1. Што выбіраць будуць выбаршчыкі, а не начальства, і гэта дэмакратычна, бо начальства таксама абіраюць. І вядома хто.

2. Што будзе байкот і што ня будзе байкоту, бо розьніцы няма, паколькі калі нават усе рвануць у раптам брацкі Крым, варта зьявіцца самому кандыдату, каб выбары адбыліся.

3. Што кандыдатам зарэгіструюць таго, хто хоча, а не таго, каму можна, бо гэта ня проста розьніца, а нават дзьве.

4. Што агітацыя дазволіць данесьці ідэі апазыцыі ў масы, бо апошнія можа і ня ўсё ведаюць, але даўно ўсё разумеюць.

5. Што датэрміновае галасаваньне робіцца для зручнасьці насельніцтва, а не дзеля аматараў фільма «Тэрмінатар», хаця яно робіцца і не для іх.

6. Што незалежныя назіральнікі нешта пабачаць, што ня бачаць самі сябры камісіі, ну і што.

7. Што будуць лічыць галасы, бо тут гэтая працэдура не з галіны арытмэтыкі, а з галіны страявога статута.

8. Што скаргі ў суды будуць задаволеныя, бо гэта не задаволіць ужо задаволеных, і слова «воля» тут не прышый кабыле хвост.

9. Што новыя дэпутаты будуць нечым адрозьнівацца ад старых, бо і першых, і другіх ніхто ня ведае, і таму параўнаць немагчыма ў прынцыпе.

10. Што новая мятла па новаму мяце, бо хоць саветы ня маюць ніякай улады, улада застанецца савецкая.
XS
SM
MD
LG