Сярод тых, хто вярнуўся ва Ўкраіну, цывільныя людзі і вайскоўцы — абаронцы Марыюпалю, Данеччыны, Луганшчыны, Харкаўшчыны і Запарожжа, напісаў у тэлеграме прэзыдэнт Украіны Ўладзімір Зяленскі.
Гэта другі абмен сёлета. Папярэдні быў 5 лютага. Тады Ўкраіна вярнула зь няволі 150 вайскоўцаў і сем цывільных грамадзянаў.
Паводле ўкраінскага амбудсмэна Дзьмітрыя Лубінца, агулам з расейскага палону ва Ўкраіну ўдалося вярнуць 6622 украінцы.
У лютым Зяленскі паведаміў, што ў расейскім палоне ўтрымліваюць каля 7 тысяч украінцаў.
Пра вяртаньне з украінскага палону двухсот вайскоўцаў паведаміла і Міністэрства абароны Расеі.
Цяпер яны ў Беларусі, дзе атрымліваюць псыхалягічную і мэдычную дапамогу. Потым іх даставяць у Расею для лячэньня і рэабілітацыі.
«Пры вяртаньні расейскіх вайскоўцаў з палону пасярэдніцкія намаганьні гуманітарнага характару аказалі Аб’яднаныя Арабскія Эміраты і ЗША», — адзначыла расейскае мінабароны.