Ці хочуць расейцы вайны? Тлумачыць намесьнік галоўнага рэдактара Carnegie.ru

Украіна і заходняя частка Расеі на мапе

Якіх мэтаў Расея можа дасягнуць вайной з Украінай? Калі вайна будзе, то які характар яна будзе мець? Якія палітычныя наступствы для Крамля будзе мець адмова ад вайны, адвод войскаў? Ці можа ўмацаваньне вайсковага кантролю над Беларусьсю быць рэальнай мэтай цяперашняй эскаляцыі?

На гэтыя пытаньні Юрыя Дракахруста на канале Свабода Premium адказвае расейскі палітоляг, намесьнік галоўнага рэдактара сайту Carnegie.ru Максім Самарукаў.

Самарукаў

Максім Самарукаў

  • Стаўкі Пуціна ў цяперашнім крызісе не такія высокія, як у Хрушчова падчас Карыбскага крызісу.
  • Перавага пазыцыі Расеі ў цяперашняй сытуацыі ў тым, што яна нічога пэўнага не абяцала. Яна сказала, што ёсьць нашыя патрабаваньні, што на адмову магчымы «вайскова-тэхнічны адказ» і ёсьць нашыя войскі, якія перасоўваюцца па нашай і беларускай тэрыторыі і па Чорным моры. Так супала. А ваяваць мы не зьбіраемся.

ГЛЯДЗІЦЕ ТАКСАМА:

Прэс-сакратар Крамля: Адмова Ўкраіны ад NATO дапаможа «значнаму адказу на расейскія заклапочанасьці»
  • Калі адказ на яе ўльтыматум наконт бясьпекі будзе сьціплы, у Расеі ёсьць значна больш варыянтаў адказу, чым вайна з Украінай.
  • Зараз, каб пачалася вайна, аднаго стрэлу ў Данбасе недастаткова. Страляюць там увесь час з 2014 году. Каб правакацыя выклікала вайну, трэба, каб адзін з бакоў быў зацікаўлены ў вайне. Зараз, калі верыць афіцыйным заявам, гэтага ня хоча ані ўкраінскі, ані расейскі бок. Для таго каб гэта перарасло ў вайну, патрэбны вельмі маштабны наступ Украіны, на які будзе дадзены яшчэ больш маштабны адказ.

ГЛЯДЗІЦЕ ТАКСАМА:

Міністры абароны Беларусі і Ўкраіны правялі тэлефонную размову
  • Калі вы выставілі ўльтыматум і яго не задаволілі, то вы павінны рабіць нешта яшчэ. Высокая ўпэўненасьць у вайне, якая існуе на Захадзе, выклікана тым, што ўльтыматум у сьнежні быў надзвычай нерэалістычны.
  • Але мне здаецца, што ёсьць іншыя варыянты. Гэты ўльтыматум даў Расеі даволі шмат. Упершыню за 30 гадоў пачаліся новыя перамовы паміж РФ і ЗША аб архітэктуры бясьпекі ў Эўропе. У ЗША ўсур’ёз абмяркоўваюць іншыя заклапочанасьці Расеі. Тое, што Расея вярнулася на такі ўзровень размовы, — гэта можна «прадаць» як перамогу.

ГЛЯДЗІЦЕ ТАКСАМА:

«Адрэагуем хутка і рашуча на любую далейшую расейскую агрэсію супраць Украіны». Прэзыдэнты ЗША і Ўкраіны правялі тэлефонныя перамовы
  • Вайскова-палітычны блёк, калі бачыць, што лідэр увязваецца ў авантуру, а потым вымушаны прынізьліва адступаць, рэагуе так, як на адступленьне Хрушчова пасьля Карыбскага крызісу. Менавіта гэтаму блёку можна «прадаць» аднаўленьне перамоваў з ЗША як посьпех.
  • Вучэньні, у тым ліку і ў Беларусі, — інструмэнт ціску на Захад. Каб ЗША зразумелі, што ўсё сурʼёзна, што могуць быць вельмі прыніжальныя для іх наступствы. Таму на пункты ўльтыматуму трэба адказваць сурʼёзна.

ГЛЯДЗІЦЕ ТАКСАМА:

Белы дом: напад Расеі на Ўкраіну можа пачацца «ў любы час»
  • На 16-га прызначаная вайна. Так Крэмль не працуе. Ён нападае тады, калі ніхто не чакае.
  • У расейскай арміі няма ніякай неабходнасьці прыцягваць да ваеннай апэрацыі беларускае войска. Гэта лішнія клопаты, пытаньні каардынацыі. У Казахстане ў межах апэрацыі АДКБ беларускі ўдзел быў сымбалічны. Гэта заўсёды прыемна. Дарэчы, амэрыканцы таксама ня любяць прыцягваць для баявых дзеяньняў саюзьнікаў. Для сымбалізму — часам прыцягваюць. Але ваююць яны самі. Спадзявацца на саюзьнікаў, калі невядома, на што яны здольныя, — гэта лішнія рызыкі.

ГЛЯДЗІЦЕ ТАКСАМА:

«Сытуацыя зь Беларусьсю зьмянілася радыкальна». Шрайбман і Марозаў пра вучэньні «Саюзная рашучасьць — 2022»
  • Наконт анэксіі Беларусі як мэты — гэта наўрад ці. Але «асваеньне» тэрыторыі Беларусі расейскім войскам — гэта адзін з найбольш імаверных «вайскова-тэхнічных адказаў» на адхілены ўльтыматум Масквы. І гэта — прамая пагроза бясьпецы саюзьнікаў ЗША, найперш Нямеччыне.
  • У новага ўраду Нямеччыны вельмі адрозныя ад ЗША пазыцыі наконт гіпатэтычнай вайны з Украінай. Яны не гатовыя нават у выпадку вайны спыняць «Паўночны паток-2». Брытанскія самалёты з вайсковымі грузамі для Ўкраіны вымушаныя аблятаць Нямеччыну. Нямеччына адмаўляецца прадаваць зброю Ўкраіне.

ГЛЯДЗІЦЕ ТАКСАМА:

Дзевяцігадзінныя перамовы наконт Данбасу паміж прадстаўнікамі Ўкраіны і Расеі завяршыліся безвынікова
  • Я ня думаю, што Расея прызнае незалежнасьць ДНР і ЛНР. Бо гэта азначае выйсьці зь Менскіх пагадненьняў, пахаваць іх канчаткова. Цяпер Менскія пагадненьні нявыгадныя найперш Украіне, гэта інструмэнт ціску на Ўкраіну. Расея ўвесь час падкрэсьлівае, што Ўкраіна не выконвае гэтыя пагадненьні. Гэтыя пагадненьні — пастка, у якую завабілі ўкраінскае кіраўніцтва. І адмовіцца ад гэтых дыпляматычных дасягненьняў дзеля прызнаньня ДНР і ЛНР — не, гэта лухта.
  • З пунктаў расейскага дыпляматычнага ўльтыматуму, выстаўленага Захаду ў сьнежні летась, невыканальна нічога, акрамя Менскіх пагадненьняў. Візыты Макрона і Шольца ў Маскву, новая сустрэча «нармандзкай чацьвёркі» на ўзроўні дарадцаў — гэта ўсё сьведчыць пра тое, што гэты пункт ультыматуму ўсё ж рэалістычны.

ГЛЯДЗІЦЕ ТАКСАМА:

«Далейшае ўварваньне выкліча масавыя чалавечыя пакуты». Байдэн абмеркаваў з Пуціным сытуацыю вакол Украіны
  • Украінская палітычная эліта адкрыта кажа, што Захад напампоўвае ваенную пагрозу, каб прымусіць Кіеў пайсьці на саступкі Расеі.
  • Расея за апошнія 10 гадоў вяла тры вайны. Гэта ўсё былі войны непрацяглыя, зь мінімальнымі стратамі. Расея навучылася ня ладзіць Афганістан і першую чачэнскую вайну. У Грузіі, ва Ўкраіне і Сырыі было ўсё зроблена хутка і пры мінімальных выдатках.
  • Цяперашняя вайна з Украінай, калі яна і будзе, гэта будзе не вайна-акупацыя, а вайна-экзэкуцыя. За некалькі дзён зьнішчаецца баявы патэнцыял украінскай арміі, і ўсё. Мы паказваем Захаду, што нашы ўльтыматумы — гэта сурʼёзна. Калі вы не зразумелі зь першага разу, мы вам прадэманструем сілавое дзеяньне. І пасьля вернемся да абмеркаваньня нашага ўльтыматуму. І сэнс апэрацыі — паказаць, што браць Украіну ў NATO — гэта можа дорага абысьціся.