Прэзыдэнт ЗША Дональд Трамп адмовіўся ад плянаў правесьці саміт G7 у сваім гольф-клюбе ў Маямі. Паводле яго, гэта адбылося пасьля «вар’яцтва СМІ і дэмакратаў і нерацыянальнай варожасьці».
Пра гэта прэзыдэнт ЗША напісаў у сваім твітэры.
....Therefore, based on both Media & Democrat Crazed and Irrational Hostility, we will no longer consider Trump National Doral, Miami, as the Host Site for the G-7 in 2020. We will begin the search for another site, including the possibility of Camp David, immediately. Thank you!
— Donald J. Trump (@realDonaldTrump) October 20, 2019
Адміністрацыя Трампа пачынае шукаць іншае месца для сустрэч з сусьветнымі лідэрамі ў наступным годзе. У тым ліку магчымасьць правядзеньня саміту ў прэзыдэнцкай рэзыдэнцыі краіны ў Кэмп-Дэвідзе, штат Мэрылэнд.
Выбар Trump National Doral месцам правядзеньня саміту выклікаў крытыку з боку дэмакратаў і грамадзянскай супольнасьці. Яны назвалі гэта спробай Трампа незаконна атрымаць выгаду праз сваё прэзыдэнцтва шляхам узбагачэньня сябе і свайго бізнэсу.
Наступны саміт кіраўнікоў дзяржаваў G7 заплянаваны на 10-12 чэрвеня 2020 году.