Лінкі ўнівэрсальнага доступу

«Марш абураных беларусаў» («марш недармаедаў» у Менску
«Марш абураных беларусаў» («марш недармаедаў» у Менску

Па Менску прайшоў «Марш абураных беларусаў» супраць «падатку на дармаедаў» і дзедаўшчыны. Відэа

Лідэр «Беларускага нацыянальнага кангрэсу» Мікола Статкевіч прызначыў на 14-ю гадзіну 21 кастрычніка акцыю пратэсту на менскай Кастрычніцкай плошчы.

Пратэстоўцы мірна прайшлі ад Кастрычніцкай да плошчы Незалежнасьці, акцыя цягнулася менш за гадзіну. У час шэсьця не было затрыманьняў і перашкодаў мітынгоўцам, але пасьля былі затрыманыя прынамсі два актывіста.

Акцыя не санкцыянаваная ўладамі, але Статкевіч загадзя папярэдзіў улады аб яе правядзеньні. Патрабаваньні, што плянуецца высоўваць на маршы — скасаваньне «дэкрэту аб дармаедах», падвышэньне заробкаў і пэнсіяў, змаганьне зь дзедаўшчынай і гвалтам у войску. На першы «Марш абураных беларусаў» 17 лютага Беларускі нацыянальны кангрэс вывеў на вуліцы сталіцы каля 3000 чалавек.

Затрымалі Вольгу Мікалайчык і Арцёма Чарняка

Менавіта на маршы нікога не чапалі, затрыманьні пачаліся па завяршэньні.

На плошчы Незалежнасьці Мікола Статкевіч абвясьціў аб завяршэньні мітынгу

Статкевіч кажа, што акцыя, на яго думку, прайшла годна, але выглядае расчараваным колькасьцю ўдзельнікаў.

Затрыманых менавіта на акцыі не заўважана, але адбываліся прэвэнтыўныя затрыманьні. Пасьля мітынгу, як паведамляюць відавочцы, за актывісткай Вольгай Мікалайчык ідзе «хвост» зь некалькіх «людзей у цывільным».

Пратэсты, кажа ён, працягнуцца ў рэгіёнах, магчыма, у іншых фарматах, цяперашні этап пратэстаў завершыцца 25 сакавіка ў Менску, на Дзень Волі.

Тым часам мітынгоўцы дайшлі да плошчы Незалежнасьці, падыходзяць да Чырвонага касьцёла. Міліцыя і «людзі ў цывільным» ня чыняць перашкодаў.

Марш праходзіць міма будынку КДБ, затрыманьняў і правакацыяў не назіраецца

Каля КДБ людзі спыніліся, каб ушанаваць памяць ахвяраў камунізму, абвясьцілі хвіліну маўчаньня.

Марш рушыў у бок плошчы Незалежнасьці, мітынгоўцы ідуць па ходніках, на дарогу не выходзяць. Перад калёнай ідуць праваабаронцы-назіральнікі

Статкевіч прапанаваў прайсьці маршам ад Кастрычніцкай да плошчы Незалежнасьці. Мітынгоўцы пагадзіліся

Мікола Статкевіч кажа, пратэстоўцы будуць шукаць новыя формы барацьбы, выступае за выключна мірны пратэст, бо «пачаць страляць лёгка, потым спыніцца нельга».

«Беларусь жыве, пакуль мы жывыя», — гукае Статкевіч.

Алена Луцковіч з пасёлка Акцябрскі на Кастрычніцкай плошчы выйшла супраць гвалту ў войску.

Хоць раней у арганізатараў маршу канфіскавалі гукаўзмацняльную тэхніку, на Кастрычніцкай зьявілася музычная калёнка. Грае «Болт» гурту «Ляпіс Трубяцкі».

Трансьляцыя пачалася, Мікола Статкевіч на Кастрычніцкай плошчы

Глядзіце на Facebook, Periscope і Youtube

У мінулы раз Статкевіч зьбіраў беларусаў на Кастрычніцкай плошчы 8 верасьня — на Дзень вайсковай славы

У Менску пратэставалі супраць вучэньняў «Захад-2017»
пачакайце

No media source currently available

0:00 0:01:40 0:00

Першы «Марш абураных беларусаў», што быў у Менску 17 лютага, за 100 сэкундаў

За 100 сэкундаў. Марш абураных беларусаў
пачакайце

No media source currently available

0:00 0:01:40 0:00

У рэгіёнах пачаліся затрыманьні перад «Маршам абураных беларусаў»

Затрыманыя ў Маладзечне старшыня Менскай абласной арганізацыі БСДП Алесь Абрамовіч і сябра АГП Генадзь Фарыно, у Баранавічах сябра прафсаюзу РЭП Рыгор Грык.​

***

Да таго 11 кастрычніка ўвечары каля крамы быў затрыманы і зьмешчаны ў ізалятар часовага ўтрыманьня адзін з арганізатараў Маршу, сустаршыня БХД Павал Севярынец. 2 кастрычніка яго асудзілі на 15 сутак, але з суду на Акрэсьціна не забралі, бо тады вызваліцца ён павінен быў бы 17 кастрычніка. Забралі толькі праз 9 дзён, так што на свабоду Севярынец выйдзе толькі 26 кастрычніка.

Таксама 11 кастрычніка на 15 сутак пасадзілі яшчэ аднаго з арганізатараў другога Маршу абураных беларусаў, актывіста «Эўрапейскай Беларусі» Яўгена Афнагеля.

13 кастрычніка пасадзілі на 10 сутак Максіма Вінярскага — за перапост у інтэрнэце артыкула, які суд палічыў заклікам да несанкцыянаванай акцыі пратэсту.

Глядзіце на Facebook, Periscope і Youtube

XS
SM
MD
LG