Лінкі ўнівэрсальнага доступу

«Дармаедзкаму» дэкрэту надалі новую назву і правялі «карэнную рэканструкцыю»


Марш недармаедаў у Горадні 15 сакавіка 2017 года

Дэкрэт № 3 «Аб папярэджаньні сацыяльнага ўтрыманства» (у народзе ён больш вядомы як дэкрэт «аб дармаедах») перажывае карэнную рэканструкцыю, заявіў намесьнік міністра працы і сацыяльнай абароны Валеры Кавалькоў падчас анляйн-канфэрэнцыі на сайце tvr.by.

«Цяпер ён [дэкрэт №3] рыхтуецца ў абсалютна новай рэдакцыі, зьмяняецца не толькі сэнс дэкрэту, але нават яго назва, — расказаў Кавалькоў. — Плянуецца, што ён будзе называцца „Па спрыяньні занятасьці“ і будзе накіраваны на тое, каб органы ўлады аказалі максымальна магчымае спрыяньне ахвочым працаваць, каб чалавек мог працаваць або быў працаўладкаваны на нейкае працоўнае месца».

У новым дэкрэце выкарыстоўваюцца паняцьці пра занятых і незанятых у эканоміцы, патлумачыў Кавалькоў:

«Калі казаць пра тое, каго мы будзем адносіць да занятых у эканоміцы і незанятых у эканоміцы, зноў жа будзе залежаць ад таго, зьяўляецца ён рамесьнікам ці не. Калі чалавек зарэгістраваны ў падатковай, заплаціў збор, то ён зьяўляецца занятым у эканоміцы, ніхто кантраляваць ня будзе, фактычна заняты ён у гэтай дзейнасьці ці не. І рэгістрацыя ў ФСАН ўжо не абавязковая. Ён вырашыў займацца нейкім відам дзейнасьці, быць самазанятым, ён выплачвае стаўку адзінага падатку, значыць, ён заняты ў эканоміцы».

Што будзе зь незанятымі ў эканоміцы, Кавалькоў не растлумачыў.

Аляксандар Лукашэнка запатрабаваў абнавіць дэкрэт № 3 да 1 кастрычніка. 9 сакавіка Лукашэнка пастанавіў прыпыніць на год дзеяньне дэкрэту пасьля масавых акцыяў пратэсту па ўсёй Беларусі, але пасьля казаў, што не адмовіўся ад «падатку на дармаедаў».

Ваша меркаваньне

Паказаць камэнтары

XS
SM
MD
LG