Лінкі ўнівэрсальнага доступу

На матчы БАТЭ з «Арсэналам» заўзятар выбег на поле зь бел-чырвона-белым сьцягам. ВІДЭА


У перапынку матчу БАТЭ з «Арсэналам» заўзятар выбег на поле зь бел-чырвона-белым сьцягам

Барысаўскі футбольны клюб БАТЭ 28 верасьня прымаў дома лёнданскі «Арсэнал» у межах Лігі Эўропы, прайграў 2:4.

Напрыканцы першага тайму заўзятар Аляксандар Вянгерскі выбег на поле «Барысаў-арэны» зь бел-чырвона-белым сьцягам і ў цішотцы з «Пагоняй», быў затрыманы супрацоўнікам стадыёну і «людзьмі ў цывільным».

Заўзятара, які выбег на поле «Барысаў-арэны» зь бел-чырвона-белым сьцягам, будуць судзіць за дробнае хуліганства

Перад гульнёй БАТЭ папярэджваў фанатаў: нельга выкарыстоўваць піратэхніку, скандаваць дыскрымінацыйныя лёзунгі ці выбягаць на поле. За гэта самаму клюбу пагражаюць санкцыі UEFA, у тым ліку штраф некалькі тысяч эўра. Адпаведна, клюб пагражаў, што ў выпадку парушэньняў разглядзіць выстаўленьне прэтэнзіяў парушальніку праз суд, каб кампэнсаваць шкоду — такое ў гісторыі БАТЭ ўжо было.

Зорка абодвух клюбаў, футбаліст Аляксандар Глеб хацеў згуляць у матчы за БАТЭ, але клюб адмовіўся падпісаць новы кантракт са сваім былым гульцом, які ў мінулым сьнежні ня стаў працягваць кантракт з БАТЭ, а сышоў у расейскія «Крылья Советов».

Аляксандар Вянгерскі на трыбуне (у цэнтры)
Аляксандар Вянгерскі на трыбуне (у цэнтры)
Вянгерскі паціскае руку брамніку «Арсэналу» Давіду Асьпіну
Вянгерскі паціскае руку брамніку «Арсэналу» Давіду Асьпіну

Паводле Інстаграму Вянгерскага відаць, што хлопец даўно з павагай ставіцца да нацыянальнай сымболікі, і што ён удзельнічаў у акцыі пратэсту супраць расейскай вайсковай прысутнасьці ў Беларусі сёлета 8 верасьня.

Ваша меркаваньне

Паказаць камэнтары

XS
SM
MD
LG