На сьветлагорскім “Лаўсане” поўнасьцю спынены цэх гарачай выцяжкі й тэкстураваньня №1, круцільны цэх, напалову — ткацкі ды некаторыя іншыя.
Генэральны дырэктар аб’яднаньня “Хімвалакно” Васіль Касьцюкевіч так пракамэнтаваў нашаму радыё сытуацыю на “Лаўсане”:
(Касьцюкевіч: ) “У нас ёсьць праблемы з сыравінай — монаэтыленглюколем, які пастаўляе нам магілёўскае “Хімвалакно”. А Магілёву кампанэнты для яго паводле дамовы паступаюць з Расеі. У суседзяў на хімічным прадпрыемстве ў Арэнбургу здарылася нейкая аварыя. Таму ўрад Расеі распарадзіўся патрэбную і Беларусі сыравіну цалкам пастаўляць на свае расейскія заводы. І пакуль там не навялі парадку”.
Паводле загаду дырэктара, адпачынак многіх сьветлагорскіх хімікаў будзе цягнуцца да 21 лістапада. Гэта ўжо другі з пачатку году выпадак прастою хімічнага прадпрыемства з прычыны адсутнасьці сыравіны.
Рабочыя балюча ўспрымаюць падобныя адпачынкі:
(Супрацоўніца: ) “Людзі вельмі перажываюць. Гэта балюча. Да прыкладу, у цэху тэкстураваньня, які спыніўся поўнасьцю, рабочыя атрымаюць за час вымушанага адпачынку ўсяго дзьве траціны тарыфнай стаўкі. Гэта меней за палову звычайнага заробку. Многія плакалі. Іншай працы ў горадзе няма. Але цяпер зь людзьмі штосьці здарылася. Яны ўсяго баяцца, яны напалоханыя. Публічна ніхто нічога ня кажа. Усе маўчаць. І я мяркую, нейкі час яшчэ будуць маўчаць”, — лічыць супрацоўніца заводу “Лаўсан”, якая не пажадала, каб яе імя прагучала ў эфіры.
Генэральны дырэктар аб’яднаньня “Хімвалакно” Васіль Касьцюкевіч так пракамэнтаваў нашаму радыё сытуацыю на “Лаўсане”:
(Касьцюкевіч: ) “У нас ёсьць праблемы з сыравінай — монаэтыленглюколем, які пастаўляе нам магілёўскае “Хімвалакно”. А Магілёву кампанэнты для яго паводле дамовы паступаюць з Расеі. У суседзяў на хімічным прадпрыемстве ў Арэнбургу здарылася нейкая аварыя. Таму ўрад Расеі распарадзіўся патрэбную і Беларусі сыравіну цалкам пастаўляць на свае расейскія заводы. І пакуль там не навялі парадку”.
Паводле загаду дырэктара, адпачынак многіх сьветлагорскіх хімікаў будзе цягнуцца да 21 лістапада. Гэта ўжо другі з пачатку году выпадак прастою хімічнага прадпрыемства з прычыны адсутнасьці сыравіны.
Рабочыя балюча ўспрымаюць падобныя адпачынкі:
(Супрацоўніца: ) “Людзі вельмі перажываюць. Гэта балюча. Да прыкладу, у цэху тэкстураваньня, які спыніўся поўнасьцю, рабочыя атрымаюць за час вымушанага адпачынку ўсяго дзьве траціны тарыфнай стаўкі. Гэта меней за палову звычайнага заробку. Многія плакалі. Іншай працы ў горадзе няма. Але цяпер зь людзьмі штосьці здарылася. Яны ўсяго баяцца, яны напалоханыя. Публічна ніхто нічога ня кажа. Усе маўчаць. І я мяркую, нейкі час яшчэ будуць маўчаць”, — лічыць супрацоўніца заводу “Лаўсан”, якая не пажадала, каб яе імя прагучала ў эфіры.
