У нядзелю міліцыя Воршы двойчы затрымлівала сябраў перадвыбарчай каманды Генадзя Ананьева. Спачатку затрымалі на дзьве гадзіны і яго самога — за распаўсюд легальна выдадзеных перадвыбарчых улётак. Потым ўвечары, калі давераныя асобы спадара Ананьева расклейвалі ягоныя плякаты на рэклямных тумбах, іх затрымалі апэратыўнікі з аўтаматамі.
(Ананьеў: ) “Яны так заўсёды: спачатку нас забіраюць, трымаюць гадзіну-другую, потым разьбіраюцца і выпускаюць. У большасьці выпадкаў нават не складаюць пратакол”.
Генадзь Ананьеў лічыць: міліцыя разумее, што вядзецца законная агітацыйная кампанія, але адмыслова імкнецца запалохаць сябраў ягонай выбарчай каманды.
Тым часам іншыя кандыдаты ў дэпутаты ад АГП Аляксандар Дабравольскі й Валянціна Палевікова дамагаюцца вяртаньня ўлётак, канфіскаваных міліцыяй Ленінскага раёну Менску нібыта для праверкі. Аляксандар Дабравольскі й Валянціна Палевікова абскардзілі дзеяньні міліцыі ў акруговай камісіі, пракуратуры і МУС, паколькі гэта легальная выбарчая прадукцыя, надрукаваная за грошы ЦВК.
Тымчасам крымінальная міліцыя і падатковая інспэкцыя сёньня зацікавіліся ўжо штаб-кватэрай АГП у Менску. Падаткавікі правялі ў сядзібе партыі апэратыўна-рэйдавую праверку.
(Ананьеў: ) “Яны так заўсёды: спачатку нас забіраюць, трымаюць гадзіну-другую, потым разьбіраюцца і выпускаюць. У большасьці выпадкаў нават не складаюць пратакол”.
Генадзь Ананьеў лічыць: міліцыя разумее, што вядзецца законная агітацыйная кампанія, але адмыслова імкнецца запалохаць сябраў ягонай выбарчай каманды.
Тым часам іншыя кандыдаты ў дэпутаты ад АГП Аляксандар Дабравольскі й Валянціна Палевікова дамагаюцца вяртаньня ўлётак, канфіскаваных міліцыяй Ленінскага раёну Менску нібыта для праверкі. Аляксандар Дабравольскі й Валянціна Палевікова абскардзілі дзеяньні міліцыі ў акруговай камісіі, пракуратуры і МУС, паколькі гэта легальная выбарчая прадукцыя, надрукаваная за грошы ЦВК.
Тымчасам крымінальная міліцыя і падатковая інспэкцыя сёньня зацікавіліся ўжо штаб-кватэрай АГП у Менску. Падаткавікі правялі ў сядзібе партыі апэратыўна-рэйдавую праверку.
