Рух у аэрапорце Ляйпцыг-Гале спынялі ўначы пасьля інцыдэнту грузавога самалёту з невядомым аб’ектам у паветры і выяўленьня дрону побач з украінскім грузавым самалётам.
Як паведаміла агенцтва AFP, нямецкая паліцыя выкарыстала для абясшкоджаньня дрону адмысловага робата.
Прадстаўнік нямецкага ўраду паведаміў, што самалёт, які сутыкнуўся зь невядомым аб’ектам у паветры бясьпечна прызямліўся ў іншым аэрапорце. Паводле выданьня Bild, гэта быў грузавы самалётам DHL. Ён атрымаў нязначныя пашкоджаньні, але змогу прызямліцца ў аэрапорце Гановэра.
У паліцыі пакуль не ўдакладнілі, ці меў выяўлены дрон баявую частку. Праводзяць расьсьледаваньне гэтага інцыдэнту.
Пасол Украіны ў Нямеччыне Аляксей Макееў ня выключыў, што гэты інцыдэнт мае расейскі сьлед. «Хто яшчэ можа быць, апроч Расеі?», — сказаў ён.
Самалёт, каля якога знайшлі дрон, быў пафарбаваны ў жоўта-сінія колеры Ўкраіны. На ім быў надпіс «Будзь сьмелым, як Херсон».
Рэгулярны рух у аэрапорце Ляйпцыг-Гале аднавілі раніцай 5 жніўня.
Што папярэднічала
Апошнім часам шэраг эўрапейскіх краін пэрыядычна сутыкаюцца з праблемамі для паветранай бясьпекі праз выяўленьне дронаў. Бесьпілётнікі неаднаразова выяўлялі над такімі адчувальнымі аб’ектамі, як аэрапорты, вайсковыя базы і прамысловыя прадпрыемствы.
Улады Нямеччыны заяўлялі, што падазраюць Расею ў арганізацыі большасьці такіх інцыдэнтаў у межах сваёй кампаніі па сабатажы, шпіянажы і дэзынфармацыі.
У ліпені 2024 году ў аэрапорце Ляйпцыга загарэлася пасылка перш, чым яе пасьпелі загрузіць на грузавы самалёт DHL. Гэта было часткай таго, што службы бясьпекі расцанілі як меркаваны падпал, зьвязаны з Масквой, змову па сабатажы.
Расея адмаўляе сваю датычнасьць да такіх інцыдэнтаў.
Форум