Як паведаміла агенцтва AFP, мужчыну арыштавалі 3 чэрвеня «падчас здымкаў сакрэтнага прататыпу бесьпілётніка, што належыць кампаніі, якая пастаўляе абсталяваньне Ўзброеным сілам Францыі і Ўкраіны».
Расьсьледаваньне, праведзенае францускай выведкай паказала, што ён «нібыта адправіў відэазапіс кантакту ў Расеі».
Улады абвінавацілі яго ў перадачы інфармацыі замежнай дзяржаве, што караецца пазбаўленьнем волі на тэрмін да 15 гадоў, а таксама ў злачыннай змове.
Паводле крыніцы, блізкай да справы, мужчына, які пражывае ў Гішпаніі, нацэльваўся на завод Delair каля паўднёва-заходняга горада Тулуза.
За дзень да яго арышту на гэты ж завод кідалі кактэйлі Молатава, але яны ня выбухнулі. Агенцтва адзначыла, што пакуль незразумела, ці зьвязаныя гэтыя два інцыдэнты.
Чаму гэта важна
Расея адначасова зь вядзеньнем агрэсіўнай вайны супраць Украіны актывізавала вэрбаваньне замежных грамадзян, у тым ліку беларусаў, украінцаў і палякаў, для ажыцьцяўленьня дывэрсій або збору выведнай інфармацыі ў краінах Эўропы.
Сёлета ў красавіку Беларусь і Польшча правялі абмен зьняволенымі — Беларусь перадала палітвязьняў, у тым ліку Анджэя Пачобуту, а Польшча перадала ў Беларусь грамадзян Беларусі, Расеі і іншых краін СНД, частку якіх абвінавачвалі ў шпіянажы.
У 2025 годзе ў Чэхіі раскрылі беларускую разьведвальную сетку ў Эўропе.
Форум