Лінкі ўнівэрсальнага доступу

Амаль палова немцаў падтрымлівае аднаўленьне ўсеагульнага прызыву ў войска


Нямецкія вайскоўцы на вучэньнях, архіўнае фота
Нямецкія вайскоўцы на вучэньнях, архіўнае фота

За вяртаньне адмененай у 2011 годзе ўсеагульнай вайсковай павіннасьці выступае 47% апытаных, сьведчыць сацыялягічнае дасьледаваньне.

У сьвятле вайны ва Ўкраіне адносная большасьць апытаных у Нямеччыне выступіла за аднаўленьне вайсковага прызыву — гэта вынікае з вынікаў сацыялягічнага апытаньня, праведзенага інстытутам Insa, піша нямецкае выданьне Frankfurter Rundschau. На публікацыю спасылаецца Deutsche Welle.

Як удакладняецца ў апублікаваным матэрыяле, на пытаньне, «ці выступаеце вы за або супраць таго, каб у Нямеччыне зноў увялі абавязковую вайсковую службу?», 47% рэспандэнтаў адказалі станоўча. Пры гэтым адмоўна да такой меры ставяцца 34% апытаных, яшчэ 19% не маглі даць дакладнага адказу або адмовіліся адказваць.

Усеагульная вайсковая павіннасьць у Нямеччыне была адменена ў 2011 годзе, калі міністрам абароны была Карла-Тэадора цу Гутэнбэрга. Да таго абавязковы прызыў праіснаваў 55 гадоў. Прызыў у Бундэсвэр можа аднавіцца толькі ў выпадку неадкладнай і непасрэднай пагрозы для бясьпекі краіны.

Дыскусія аб вяртаньні да ўсеагульнага прызыву

Пасьля ўварваньня Расеі ва Ўкраіну некаторыя прадстаўнікі кансэрватыўнага Хрысьціянска-дэмакратычнага саюзу, які знаходзіцца ў апазыцыі, а таксама Сацыял-дэмакратычнай партыі Нямеччыны, якая ўваходзіць у кіроўную кааліцыю, заклікалі да дэбатаў з нагоды яе вяртаньня.

Яшчэ раней, у 2020 годзе, калі ва ўладзе знаходзілася Ангела Мэркель, з прапановай пачаць дыскусію аб вяртаньні ўсеагульнай вайсковай павіннасьці выступіла ўпаўнаважаная Бундэстагу ў справах вайскоўцаў Бундэсвэру Эва Хёгль. Падставай да яе выступленьня стаў гучны скандал, калі ў частцы спэцыяльнага прызначэньня Kommando Spezialkräfte (KSK), элітным падразьдзяленьні Бундэсвэру, выявілі значную колькасьць прыхільнікаў праваэкстрэмісцкіх поглядаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG