«Кіргізстану не было куды падзецца». Меркаваньне кіргіскага экспэрта

На пытаньні Юрыя Дракахруста на канале Свабода Premium адказвае кіргіскі палітоляг Шэрадзіл Бактыгулаў.

Бактыгулаў

• Гэта ня першы выпадак, калі кіргіскія войскі накіроўваюцца за мяжу зь міратворчай місіяй.
• У пачатку 90-х больш за 3 тысячы кіргіскіх вайскоўцаў несьлі службу на кіргіска-таджыцкай і кіргіска-афганскай мяжы падчас грамадзянскай вайны ў Таджыкістане.
• Тады гэта быў цэнтральнаазіяцкі міратворчы батальён.

• І пад эгідай ААН і АБСЭ кіргіскія афіцэры былі назіральнікамі і паліцыянтамі ў рамках міратворчых апэрацыяў.
• Але ў ХХІ стагодзьдзі гэта сапраўды першая міратворчая місія кіргіскіх вайскоўцаў.
• Чаму так цяжка прымалася рашэньне накіраваць войскі ў Казахстан? У нас было тры рэвалюцыі. Тры прэзыдэнты былі адхіленыя ад улады. У гэтым пікантнасьць сытуацыі.

ГЛЯДЗІЦЕ ТАКСАМА:

Расейскія самалёты даставілі ў Казахстан кіргіскіх вайскоўцаў

• Заяўлена, што кіргіскія міратворцы будуць выконваць толькі ахоўныя функцыі, будуць ахоўваць цывільнае насельніцтва.
• З такой фармулёўкай дэпутаты парлямэнту пагадзіліся.
• У Казахстан накіроўваюцца байцы 25-й брыгады спэцназу «Скарпіён» міністэрства абароны.

ГЛЯДЗІЦЕ ТАКСАМА:

У Казахстане не паўстаньне, а «разборка» кланаў. Меркаваньне экспэрта па Цэнтральнай Азіі Аркадзя Дубнова

• Яна цалкам укамплектаваная кантрактнікамі.
• Яны трэнаваліся ня толькі на палігонах краінаў АДКБ і ШАС, але і ў ЗША.
• Нядаўна ў нас праходзілі сумесныя вучэньні з індыйскімі горнымі стралкамі.
• У рашэньні накіраваць нашых салдатаў у Казахстан ёсьць маральная праблема.

ГЛЯДЗІЦЕ ТАКСАМА:

«Ім трэба ўтапіць у крыві Расею». Лукашэнка адказаў на крытыку ў сувязі з накіраваньнем беларускіх вайскоўцаў у Казахстан

• Цяпер мы чуем тыя ж самыя словы, якія чулі ў Кіргізстане і ў 2005-м, і ў 2010-м, і ў 2020-м гадох.
• Тады лідэраў пратэсту называлі захопнікамі і правакатарамі. Але яны сталі прэзыдэнтамі.
• Цяперашні склад парлямэнту абраны ў лістападзе летась.
• Дагэтуль не сфармаваныя структуры парлямэнту.

ГЛЯДЗІЦЕ ТАКСАМА:

​​​​​​​«Пуцін баіцца паўстанцаў». Намесьніца дырэктара Цэнтру Эўразіі пра Казахстан і пляны расейскага ўварваньня ва Ўкраіну

• Пакуль апазыцыя ў парлямэнце не скансалідавалася, у яе няма адзінага лідэра.
• Былы міністар замежных справаў у парлямэнце выступіў супраць уводу войскаў АДКБ у Казахстан.
• Дэпутаты, якія галасавалі супраць накіраваньня войскаў у Казахстан, — пераважна абраныя ў партыйных сьпісах ад партыяў «Адзіны Кіргізстан» і «Альянс».
• Галоўны аргумэнт, які выказваецца супраць накіраваньня войскаў, — гэта ня нашая вайна.

ГЛЯДЗІЦЕ ТАКСАМА:

Рэвалюцыянэр стаў жандарам. Армянскі аналітык пра войскі АДКБ у Казахстане

• Лёзунгі пратэстоўцаў у Казахстане — ня супраць Такаева, а супраць Назарбаева і яго клану.
• Адна з вэрсіяў падзеяў у Казахстане: хваля сапраўды народнага пратэсту была выкарыстаная пэўнымі сілавікамі.
• У нас на Ўсходзе маленькая ці вялікая звада — гэта заўсёды «разборкі» вялікіх людзей.
• Нехта перасьледуе свае палітычныя мэты, а нехта на хвалі рамантыкі далучаецца, незадаволены агульнай сытуацыяй у краіне.

ГЛЯДЗІЦЕ ТАКСАМА:

Парлямэнты Кіргізстана і Таджыкістана вырашылі адправіць вайскоўцаў у Казахстан у складзе АДКБ

• Завадатарамі такіх падзеяў, як правіла, аказваліся ў нас тыя людзі, якія потым прыходзілі да ўлады.
• У 2005 годзе тагачасны прэзыдэнт Аскар Акаеў зьвяртаўся да АДКБ па дапамогу супраць пратэстаў, але яму прапанавалі здаць пазыцыі.
• У 2010 годзе, падчас самай крывавай зьмены рэжыму, быў зварот да АДКБ ад часовага ўраду Розы Атунбаевай.
• Я тады працаваў у апараце часовага ўраду.

ГЛЯДЗІЦЕ ТАКСАМА:

Такаеў дазволіў сілавікам страляць на паражэньне без папярэджаньня

• Да перамогі рэвалюцыі быў зварот да АДКБ ад прэзыдэнта Бакіева, але яму адмовілі.
• У дэпутатаў кіргіскага парлямэнту былі сур’ёзныя сумневы наконт заяваў аб замежных тэрарыстах у Казахстане.
• У Кіргізстану няма хаўрусьнікаў, нам падзецца няма куды.
• У нас складаныя адносіны з Таджыкістанам.

ГЛЯДЗІЦЕ ТАКСАМА:

У Казахстане за ўдзел у пратэстах затрымалі больш за 4,4 тысячы чалавек. Што адбываецца ў краіне

• У красавіку–траўні летась Кіргізстан стаў ахвяраю вайсковай агрэсіі з боку Таджыкістану.
• Кіргізстан ня мае замежнага лобі ў Маскве і Вашынгтоне, якое мае, скажам, Армэнія.
• У Расеі вельмі шмат вагароў уплыву ў Кіргізстане.

Што было раней

• 7 студзеня дэпутаты парлямэнту Кіргізстану далі згоду адправіць войскі ў Казахстан у рамках Дамовы аб калектыўнай бясьпецы (АДКБ).
• 69 дэпутатаў прагаласавалі за адпраўку войскаў, супраць выступілі 7 дэпутатаў.
• Такімі былі вынікі другога галасаваньня. Падчас першага галасаваньня 55 парлямэнтароў былі згодныя адправіць войскі, 11 былі супраць. Тады галасаваньне не залічылі, бо патрэбны 61 голас у падтрымку.
• Кіргізстан накіруе ў суседнюю краіну 150 чалавек асабовага складу, 8 адзінак бранятэхнікі і 11 машын.
• Улады Кіргізстану сьцьвярджаюць, што вайскоўцы будуць займацца аховай стратэгічных аб’ектаў, а не разгонам пратэстоўцаў.
• Адначасова з галасаваньнем дэпутатаў побач з будынкам парлямэнту прайшоў мітынг супраць уводу войскаў у Казахстан.