Увечары нядзелі, 2 студзеня, кіроўца Opel Vivaro рухаўся па дарозе Менск — Мікашэвічы. Ва Узьдзенскім раёне каля вёскі Басманаўка ён не ўлічыў галалёдзіцы. Аўтамабіль вылецеў на сустрэчную паласу, дзе сутыкнуўся з маршруткай.
У выніку ДТЗ за дзень да свайго дня нараджэньня загінула 24-гадовая пасажырка Opel Vivaro.
«Абодва кіроўцы і дзевяць пасажыраў маршрутнага таксі атрымалі траўмы рознай ступені цяжкасьці, усіх шпіталізавалі», — гаворыцца ў паведамленьні Сьледчага камітэту.
СК завёў крымінальную справу па факце здарэньня.
У Беларусі і 3-4 студзеня захаваецца галалёдзіца ў шэрагу рэгіёнаў краіны, а таксама ў сталіцы.