Працягваліся ператрусы ў незалежных беларускіх журналістаў — у Менску, Баранавічах, Берасьці, Гомлі, Ганцавічах, Лунінцы.
У Гомельскім СІЗА-3 працягваўся закрыты судовы працэс у справе Сяргея Ціханоўскага, Міколы Статкевіча, Ігара Лосіка, Арцёма Сакава, Уладзімера Цыгановіча і Дзьмітрыя Папова.
Суд у Горадні прызнаў Telegram-канал Hrodna.life экстрэмісцкім.
Павал Латушка даў паказаньні на Аляксандра Лукашэнку ў варшаўскай акруговай пракуратуры.
Паэт Уладзімер Някляеў адзначыў 75-годзьдзе.
Літоўскія вайскоўцы на мяжы зь Беларусьсю 9 ліпеня пачалі ўсталёўваць драцяную загародку для ўзмацненьня кантролю над патокамі мігрантаў.
Прадстаўнікі парлямэнтаў некалькіх эўрапейскіх дзяржаў і ЗША заклікалі забараніць палёты рэйсаў, на якіх мігранты трапляюць у Беларусь.
Ізраіль забараніў сваім грамадзянам наведваць Беларусь