Лінкі ўнівэрсальнага доступу

Завысокія цэны. Пасьля праверкі Дзяржкантролем не працуюць 28 аптэк


Фота ©Shutterstock

Камітэт дзяржаўнага кантролю прыпыніў дзейнасьць 28 аптэк у Менску, Гомлі, Бабруйску і Жодзіне.

Прычынай закрыцьця стала павышэньне цэнаў на лекі болей, чым рэкамэндавалі ўлады.

З 1 студзеня ўлады ўвялі 10-працэнтны падатак на даданую вартасьць для лекаў. Раней гэтага падатку не было.

Пры гэтым міністэрствы гандлю і здароўя забаранілі аптэкам падымаць на гэтыя 10% цэны. Ім прапанавалі рабіць зьніжкі і зьмяншаць гандлёвыя надбаўкі, каб падаражаньне было ня большым за 5% цягам году — такую інфляцыю прагназуюць улады.

Некаторыя аптэкі праігнаравалі гэтыя рэкамэндацыі, адзначыў Дзяржкантроль.

Рэальная інфляцыя па выніках студзеня і лютага паскорылася да 8,7% у гадавым вымярэньні.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG