Лінкі ўнівэрсальнага доступу

«Спроба блякаваньня не ўплывае на бясьпеку і працу». На «Голасе» амаль паўмільёна чалавек прагаласавалі за перамовы


Галоўная старонка плятформы «Голас» 19 сакавіка

За 24 гадзіны на плятформе «Голас» звыш 470 тысяч чалавек паўдзельнічалі ў ініцыяваным Сьвятланай Ціханоўскай апытаньні пра выйсьце з палітычнага крызісу ў Беларусі шляхам перамоваў.

Пры гэтым многія карыстальнікі наракаюць на немагчымасьць зайсьці на сайт «Голасу» — няма доступу. Апэратары раяць зьвяртацца ў Міністэрства інфармацыі, каманда на блякаваньне нібыта паступіла адтуль.

«Блякаваньне — чаканы і прадказальны крок з боку ўладаў, якія разумеюць, на што здольныя беларусы з дапамогай „Голасу“. Ад жніўня 2020 году гэта ўжо шостая спроба спэцслужбаў „зламаць“ плятформу. Але наша праца пабудаваная так, што асноўнае дзеяньне (цяпер — галасаваньне ў падтрымку перамоваў зь міжнародным удзелам і абсалютны рэкорд галасоў за суткі) адбываецца ў недаступных для блякаваньня мэсэнджарах Telegram і Viber», — тлумачаць стваральнікі плятформы.

Сайт — гэта дадатковы, але не адзіны спосаб зарэгістравацца на плятформе, удакладняюць распрацоўнікі. Ён выступае дапаможным правадніком ад карыстальніка да чат-бота.

«Прайсьці рэгістрацыю ў „Голасе“ можна проста ў чат-робата. Людзі прыходзяць да нас рэгістравацца і галасаваць у асноўным па рэкамэндацыях. А чалавечую рэкамэндацыю наўрад ці змогуць заблякаваць МТС, Life :), „Белтэлекам“ ці хто б там ня быў», — гаворыцца ў паведамленьні.

Зарэгістравацца ў «Голасе» і прагаласаваць можна па наўпроставых спасылках:

Доступ да заблякаванага сайту таксама даступны праз VPN.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG