Лінкі ўнівэрсальнага доступу

Па 3 гадзіны стаяць выбарнікі ў чарзе ў мікрараёне Лебядзіны


Паводле назіральнікаў, на абодвух участках да 5 тысяч выбарнікаў, а адкрыта 5 кабінак для галасаваньня.
Паводле назіральнікаў, на абодвух участках да 5 тысяч выбарнікаў, а адкрыта 5 кабінак для галасаваньня.

Людзі галасуюць на ўчастках № № 2 і 3 у Цэнтральным раёне Менску. У чарзе карэспандэнту Свабоды сказалі, што чаканьне можа займаць да трох гадзін.

Участкі знаходзяцца ў будынку школы № 32. Людзі ў чарзе абураюцца, што кабінак мала і ў працу залучаныя ня ўсе сябры камісіі.

Зінаіда Міхайлава, старшыня камісіі на ўчастку № 2: «Трэба было галасаваць датэрмінова. Мы ўсё робім, каб было хутчэй, але праз каранавірус прынятыя пэўныя захады».

На 3-і ўчастак чарга яшчэ большая, людзі стаяць па 3 гадзіны. На ўчастку тры кабінкі, бюлетэні выдаюць 4 сябры камісіі, але чарга рухаецца марудна. Старшыня камісіі Алена Ліпень: «Прэтэнзіі не да мяне.

У вэстыбюлі тоўпяцца больш за 200 чалавек
У вэстыбюлі тоўпяцца больш за 200 чалавек

Як старшыня я задаволеная, што ў людзей такая актыўнасьць».«Гэта кашмар! — кажа Людміла, выбарніца на ўчастку № 3. — Кашмар і арганізацыя, і чаму не падрыхтаваліся, і як ўлада ставіцца да апазыцыі і людзей. Мне гэта незразумела».

Назіральнік Максім расказаў, што на ўчастках нават выступаў Аляксандар Саладуха. «Выступленьне было з 12-й да 13-й гадзіны, але ніхто ў чарзе ня пляскаў, — кажа Максім. — Было вельмі нязвыкла. Зорка адсьпявала, а ёй ніякіх воплескаў. Цішыня. А побач стаяць паўтысячы чалавек».

Паводле назіральнікаў, на абодвух участках да 5 тысяч выбарнікаў, а адкрыта 5 кабінак для галасаваньня.

Прэзыдэнцкія выбары — 2020 у Беларусі. Што важна ведаць

  • Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
  • 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
  • Старшыня ЦВК Лідзія Ярмошына адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
  • ЦВК зарэгістраваў 15 ініцыятыўных груп з 55 заявак.
  • Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
  • 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
  • 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“».
  • 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.
  • 14 ліпеня ЦВК зарэгістраваў кандыдатамі ў прэзыдэнты Аляксандра Лукашэнку, Сьвятлану Ціханоўскую, Ганну Канапацкую, Андрэя Дзьмітрыева і Сяргея Чэрачня. Не зарэгістравалі Віктара Бабарыку і Валера Цапкалу.
  • Ад пачатку выбарчай кампаніі праваабаронцы налічылі больш за 1300 затрыманых: удзельнікі «ланцугоў салідарнасьці», сябры ініцыятыўных груп, актывісты, палітыкі, блогеры, журналісты і проста мінакі на вуліцы. Сотні чалавек пакаралі адміністрацыйнымі арыштамі і аштрафавалі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG