Лінкі ўнівэрсальнага доступу

Выбары-2020. Пратэсты, затрыманьні і салідарнасьць. Што адбываецца ў Беларусі

абноўлена

Апошнія навіны, камэнтары, стрымы Свабоды з выбарчых участкаў і вуліц у асноўны дзень галасаваньня на шостых прэзыдэнцкіх выбарах у Беларусі.


Коратка

  • Паводле зьвестак ЦВК, на выбарах прэзыдэнта Беларусі дзейны кіраўнік дзяржавы Аляксандр Лукашэнка набраў 80,23% галасоў, Сьвятлана Ціханоўская — 9,9%, Ганна Канапацкая — 1,68%, Андрэй Дзьмітрыеў — 1,04%, Сяргей Чэрачань — 1,13%.
  • Штаб Ціханоўскай не прызнаў перамогі Лукашэнкі, заклікаў да пераліку галасоў.
  • Увечары 9 жніўня ў Менску, усіх абласных цэнтрах і іншых гарадах Беларусі прайшлі стыхійныя акцыі пратэсту. Каля 3000 чалавек затрымалі, зь іх каля тысячы ў Менску.
  • Выбарчая кампанія ператварылася ў хроніку рэпрэсіяў. Праваабаронцы налічылі больш за 1360 адвольных затрыманьняў з 6 траўня па 5 жніўня.
  • Арыштаваныя ў межах Крымінальнага кодэксу патэнцыйны кандыдат Віктар Бабарыка, два кіраўнікі ініцыятыўных групаў — Эдуард Бабарыка і Сяргей Ціханоўскі. На 8 жніўня праваабаронцы прызналі палітычнымі вязьнямі 26 чалавек.
01:29 13.8.2020

У Маскве затрымалі ўдзельнікаў акцыі салідарнасьці зь беларусамі

Як мінімум дзесяць чалавек затрымала паліцыя ў Маскве каля амбасады Беларусі на акцыі салідарнасьці зь беларусамі, якія пратэстуюць супраць папярэдніх афіцыйных вынікаў прэзыдэнцкіх выбараў.

Паводле ацэнак тэлеграм-каналу Avtozak Live, вечарам 12 жніўня каля амбасады Беларусі сабраліся блізка 400 чалавек. Людзі сталі ў шэраг з запаленымі сьвечкамі.

23:06 12.8.2020

У праваабаронцы Тацяны Равякі прайшоў ператрус, паведаміў намесьнік старшыні Беларускай асацыяцыі журналістаў Барыс Гарэцкі.

Раней у яе начавалі ўкраінскія журналісты Канстанцін Равуцкі і Яўген Васільеў. Іх затрымалі сёньня.

Ператрус праводзіў Сьледчы камітэт. Цікавілі рэчы ўкраінцаў. Забралі ноўтбук і пашпарт аднаго з украінцаў і ноўтбук Тацяны. Сама яна на волі.

23:05 12.8.2020

22:42 12.8.2020

У Гомлі пачаліся масавыя затрыманьні

У Гомлі вечарам 12 жніўня праходзіла акцыя пратэсту. Адна частка людзей, каля 500 чалавек, стаяла на пляцоўцы каля цырку. Другая частка, чалавек 200, пайшла калёнай па Савецкай у бок гіпэрмаркету «Карона». Да гіпэрмаркету яны не дайшлі, зладзілі каля прыпынку грамадзкага транспарту «Рамбыттэхніка» флэшмоб зь ліхтарыкамі і працягнулі рух да цэнтру гораду.

Людзі, што стаялі на цырку, вырашылі пайсьці на плошчу Леніна. Калі яны ішлі на плошчу, туды ж паехалі вайсковыя грузавікі. Людзі пайшлі назад, на пляцоўку каля цырку. Яны несьлі бел-чырвона-белы сьцяг на пачатку калёны і скандавалі: «Жыве Беларусь!». На скрыжаваньні вуліц Савецкай і Камсамольскай на іх напалі вайскоўцы ўнутраных войскаў МУС з часткі 5525. Людзей пачалі разганяць і хапаць.

22:35 12.8.2020

У Магілёве экіпаваныя міліцыянты разагналі ланцуг салідарнасьці супраць гвалту, арганізаваны жанчынамі, піша тэлеграм-канал Mogilev Online. Паводле яго, ёсць затрыманыя.

Упершыню за чатыры дні пратэстаў супраць вынікаў выбараў магілёўцы правялі акцыю ў Кастрычніцкім раёне гораду. Перад гандлёвым цэнтрам «Арбат» сабралася больш за паўсотні чалавек. Рух на цэнтральных вуліцах абмежаваны. Прапускаюць службы экстраннай дапамогі і пасажырскі транспарт.

22:30 12.8.2020

МУС паведамляе пра наезды на міліцыянтаў у Менску і Баранавічах

У афіцыйным Тэлеграм-канале Міністэрства ўнутраных спраў Беларусі паведамілі пра наезд машыны на супрацоўніка ДАІ ў Менску і на міліцыянта ў Баранавічах. У абодвух выпадках кіроўцы спрабавалі зьехаць, і супрацоўнікі ДАІ выкарыстоўвалі зброю, каб іх спыніць.

Кіроўцу ў Менску затрымалі, кіроўца ў Баранавічах уцёк, яго шукаюць.

22:26 12.8.2020

21:40 12.8.2020

21:32 12.8.2020

Рабочыя «Хімвалакна» за Ціханоўскую​

Гэта відэа з Горадні. Сёньня там адбылася масавая сустрэча незадаволеных людзей з прадстаўнікамі кіраўніцтва заводу і прафсаюзу.

Як даведалася Свабода, пасьля таго як рабочыя пачалі масава выходзіць з праўладнага прафсаюзу і сабраліся разам, начальства запрасіла ўсіх у актавую залю.

21:28 12.8.2020

21:24 12.8.2020

21:22 12.8.2020

21:18 12.8.2020

21:18 12.8.2020

21:17 12.8.2020

21:15 12.8.2020

21:15 12.8.2020

20:57 12.8.2020

20:50 12.8.2020

20:45 12.8.2020

Загрузіць яшчэ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG