Лінкі ўнівэрсальнага доступу

Пастаўкі нафты з Расеі ў Беларусь упалі на 44% у першай палове 2020 году


Ілюстрацыйнае фота

Расейскія нафтавыя кампаніі за 6 месяцаў 2020 году паставілі ў Беларусь 4,65 млн тонаў нафты, піша «Інтэрфакс» са спасылкай на зьвесткі расейскага паліўна-энэргетычнага комплексу. Гэта на 44,3% менш, чым было ў першую палову мінулага году.

У першым квартале паставілі толькі 1,04 млн тонаў — на 77% менш, чым летась. У другім квартале імпарт вырас да 3,7 млн тонаў пасьля дамоваў аб разьліках за нафту.

Для Расеі Беларусь застаецца адзінай краінай блізкага замежжа, якая імпартуе яе нафту. У І квартале 2020 году беларускі бок купляў нафту ў прыватных кампаніях бізнэсоўца Міхаіла Гуцэрыева — ранейшая схема паставак ад іншых расейскіх кампаніяў была скасаваная ў першым квартале праз спрэчкі вакол расейскага падатковага манэўру.

На ІІІ квартал «Белнафтахім» узгадніў зь Міністэрствам энэргетыкі Расеі пастаўкі на беларускія нафтаперапрацоўчыя заводы 5,75 млн тонаў нафты.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG