Лінкі ўнівэрсальнага доступу

«Белгазпрамбанк» уначы абʼявіў пра спыненьне валютных апэрацыяў з рублёвымі карткамі


Ад 23-й гадзіны 16 чэрвеня «Белгазпрамбанк» спыніў пэўныя апэрацыі з удзелам валюты і беларускіх рублёў. Паведамленьне прэс-службы зьявілася на сайце банку позьнім вечарам.

Цяпер часова нельга з выкарыстаньнем карткі «Белгазпрамбанку» ў беларускіх рублях на тэрыторыі Беларусі

  • здымаць валюту ў касах і банкаматах,
  • папаўняць валютныя рахункі,
  • рабіць p2p-пераводы і ў валюце і ў рублях паміж карткамі «Белгазпрамбанку», калі адна зь іх у валюце,
  • папаўняць праз p2p-пераводы зь іншых карткак валютныя карткі «Белгазпрамбанку»,
  • плаціць у валюце на тэрыторыі Беларусі і на беларускіх інтэрнэт-рэсурсах.

Папярэдняе паведамленьне прэсавай службы банку было прысьвечана прызначэньню часовага кіраўніка адміністрацыі — Надзеі Ермаковай. «Згаданая мера не паўплывала на фінансавую стабільнасьць і ўстойлівасьць ААТ „Белгазпрамбанк“. Паводле стану на 15 чэрвеня 2020 г. банк валодае дастатковым запасам трываласьці і працягвае працу ў штатным рэжыме», — гаварылася ў тым паведамленьні.

Прэзыдэнцкія выбары — 2020 у Беларусі. Што важна ведаць

  • Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
  • 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
  • Старшыня ЦВК Лідзія Ярмошына адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
  • ЦВК зарэгістраваў 15 ініцыятыўных груп з 55 заявак.
  • Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
  • 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
  • 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“».
  • 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.
  • 14 ліпеня ЦВК зарэгістраваў кандыдатамі ў прэзыдэнты Аляксандра Лукашэнку, Сьвятлану Ціханоўскую, Ганну Канапацкую, Андрэя Дзьмітрыева і Сяргея Чэрачня. Не зарэгістравалі Віктара Бабарыку і Валера Цапкалу.
  • Ад пачатку выбарчай кампаніі праваабаронцы налічылі больш за 1300 затрыманых: удзельнікі «ланцугоў салідарнасьці», сябры ініцыятыўных груп, актывісты, палітыкі, блогеры, журналісты і проста мінакі на вуліцы. Сотні чалавек пакаралі адміністрацыйнымі арыштамі і аштрафавалі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG