Лінкі ўнівэрсальнага доступу

Symbal.by папрасіў дапамогі: скончыліся грошы на пашыў павязак мэдыкам


Каманда Symbal.by шые маскі, архіўнае фота

Беларуская крама Symbal.by расказала 19 траўня, што больш ня мае сродкаў, каб набываць тканіну і працягваць шыць засьцерагальныя маскі для мэдыкаў.

Каранавірус у Беларусі і ў сьвеце. Як разьвіваюцца падзеі >>

Збор сродкаў на вытворчасьць павязак «амаль ня рухаецца», піша крама. На момант публікацыі на Molamola сабралі 16 тысяч рублёў зь неабходных 20 тысяч.

«Калі ў вас ёсьць магчымасьць падтрымаць нас і ахвяраваць 5 ці больш рублёў, то гэта будзе для нашай крамы значны ўнёсак, каб разам з вамі мы перажылі і выжылі ў гэты складаны час», — піша Symbal.by.

Яшчэ ў пачатку красавіка Symbal.by перанакіравала ўсю дзейнасьць уласнага швейнага цэху і ўсёй каманды на вытворчасьць масак для шматразовага выкарыстаньня і іх бясплатны распаўсюд.

«Актыўна завітваць і пытацца пра маскі ў нашай краме Symbal.by пачалі адразу, як разьляцелася па СМІ інфармацыя пра першы выпадак каранавірусу ў студэнта БНТУ, — расказаў кіраўнік крамы Павал Белавус. — Мы адразу паставілі ў краме санітайзэр, але пра маскі сур’ёзна ня думалі. На той момант было адчуваньне, што іх хапае ў аптэках і асаблівага попыту ня будзе на іх. Хоць ужо тады пачалі мне пісаць людзі і казаць — зрабіце бел-чырвона-белыя павязкі, але мне падавалася неяк няправільна, калі мы пачнём рабіць і прадаваць такія рэчы».

Усё кардынальна зьмянілася зь першых дзён красавіка, расказвае Павал, калі пайшлі масавыя заражэньні і першыя сьмерці. На той момант продажы ў краме ўпалі на 50%. Шыць тое, на што цяпер няма попыту, было немэтазгодна.

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG