Лінкі ўнівэрсальнага доступу

У жаночым манастыры пад Менскам палова насельніц з COVID-19


Сьвята-Елісавецінскі жаночы манастыр у мікрараёне Навінкі ў Менску
Сьвята-Елісавецінскі жаночы манастыр у мікрараёне Навінкі ў Менску

Пра карантын ў жаночым Сьвята-Елісавецінскім манастыры распавёў Tut.by ягоны духоўнік Андрэй Лемяшонак. Манастыр закрыты санітарна-эпідэміялягічнай службай сама меней да сярэдзіны траўня.

Каранавірус у Беларусі і ў сьвеце. Як разьвіваюцца падзеі >>

Каранавірус быў масава выяўлены пасьля Вялікадня, хворыя манашкі ўдзельнічалі ў сьвяточных службах. Усяго ў Сьвята-Елісавецінскім манастыры жывуць 130 манашак, COVID-19 амаль у паловы.

Рэкамэндацыі патрыярха Кірыла адносна службаў падчас пандэміі каранавірусу ў манастыры не былі выкананыя цалкам, бо «мы не Расея, мы Беларусь, трошкі адрозьніваемся», сказаў айцец Андрэй.

Зрабілі толькі адно — пасьля прычашчэньня адмянілі запіваньне вадой з агульных кубачкаў, прычасьце ж адбывалася па-ранейшаму, з аднае лыжачкі, якая нават не апрацоўвалася сьпіртам пасьля кожнага чалавека. Лемяшонак лічыць, што яны «выканалі тыя рэкамэндацыі, якія маглі выканаць. Нельга са сьвецкім сьветапоглядам падыходзіць да праваслаўя».

Памерлая манашка Марыя жыла не ў самім манастыры, а на манастырскім падвор’і, займалася градкамі і вінаграднікам. Карантыну там няма, бо ніхто не заразіўся. На пахаваньне манашкі на падворку сабраліся 40 чалавек, «правялі зь любоўю, усё было прыгожа».

Айцец Васіль Лясько, які кожную зіму жыве ў манастыры, прыяжджаючы з Палесься, і захварэў там, паправіўся ўжо, рыхтуецца да выпіскі. Манашка, якую прывезьлі з Глыбокага, таксама ўжо паправілася.
Праз карантын зачыненыя ўсе майстэрні манастыра і царкоўная крама. Засталіся толькі гандлёвыя пункты сястрыцтва, на Камароўцы напрыклад.

Елісавецінскі манастыр не адзіны ў Беларусі, закрыты на карантын у сувязі з пандэміяй. Раней Свабода паведамляла пра манастыры ў Жыровічах, Малых Лядах, Горадні.

Што трэба ведаць пра новы каранавірус з Кітаю

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG